हॅलो महाराष्ट्र ऑनलाईन । प्रहार जनशक्ती पक्षाचे संस्थापक आणि अचलपूर विधानसभा मतदारसंघाचे आमदार बच्चू कडू (Bachhu Kadu) यांच्या जीवाला धोका असल्याची माहिती समोर येत आहे. यानंतर बच्चू कडू यांनी जिल्हा ग्रामीण पोलीस अधीक्षकांना लिहिलं असून या संपूर्ण प्रकरणाची. सखोल चौकशी करावी आणि संबंधित आरोपींवर गुन्हा दाखल करावा, अशी मागणी या पत्रातून करण्यात आली आहे. मात्र या एकूण सर्व प्रकारामुळे अमरावतीत खळबळ उडाली आहे. तसेच बच्चू कडू यांच्या मागावर नेमकं आहे तरी कोण? असा प्रश्न निर्माण झालाय.
माझा अपघात झाला अशा प्रकारचे नागरिकांचे फोन येत आहेत. अपघात झाल्याची कोणीतरी अफवा पसरवत आहे, असं बच्चू कडू यांनी सदर पत्रात म्हटलं आहे. भाऊ तुमचा अपघात झाला आहे का? तुमची तब्येत कशी आहे? असे काही प्रश्न या फोनवरुन बच्चू कडू यांना विचारले जातात. त्यामुळे या प्रकरणाची सखोल चौकशी करून संबधीतावर गुन्हा दाखल करून त्यांना जेरबंद करण्याची मागणी बच्चू कडू यांनी पत्रातून केली आहे. सध्या बच्चू कडू याना पोलिसांनी वाय प्लस सुरक्षा दिली आहे.
बच्चू कोड यांच्या पत्रातील ठळक मुद्दे
शिंदे साहेबांचा कट्टर कार्यकर्ता आहे. मी गडचिरोली येथे राहत असून माझे नक्षलवाद्यांशी नजीकचे संबंध आहेत. बच्चू कडूला पाहून घेऊ. जसे बाळासाहेब ठाकरे यांनी दिघेंना संपवले, तसं शिंदे साहेब बच्चू कडूला संपवणार नाहीत, तर मी स्वतः बच्चू कडूला संपवणार. बच्चू कडू म्हणजे काहीच नाही, बच्चू कडूला पाहून घेऊ. आज मोका देख के बच्चू कडू को चौका मारेंगे अशा प्रकारच्या धमक्या येत असल्याचं बच्चू कडू यांनी पत्रात म्हंटल आहे. त्यामुळे अमरावतीत खळबळ उडाली आहे.