हॅलो महाराष्ट्र ऑनलाइन | थप्पड मारण्याची भाषा कोणी करू नये. अशी झापड मारु की कोणी उठणार नाही” असा इशारा मुख्यमंत्री उद्धव ठाकरे यांनी विरोधकांना दिल्यानंतर आता भाजपकडून देखील उद्धव ठाकरेंच्या विधानावर प्रत्युत्तर देण्यात येत आहे. उद्धव ठाकरे यांनी स्वतःला झेपेल येवडच बोलावं असा टोला भाजप आमदार नितेश राणे यांनी लगावला आहे.
मुख्यमंत्री हे एका जबाबदार पदावर आहेत. ते काय बोलत आहेत याचा त्यांनी विचार करून बोललं पाहिजे. ज्या व्यक्तीने एक माशी मारली नाही किंवा कॅमेरा उघडण्यापलिकडे काही केलं नाही, त्या उद्धव ठाकरे यांनी मोठीमोठी इशाराची भाषा करू नये”, स्वतःला जेवढं झेपेल तेवढच त्यांनी बोलावं असा टोला नितेश राणे यांनी मुख्यमंत्र्यांना लगावला
उद्धव ठाकरे नेमकं काय म्हणाले-
आतापर्यंत टीका ऐकण्याची सवय झाली आहे. कौतुक केलं की भीती वाटते. तो डॉयलॉग आहे ना थप्पड से डर नहीं लगता… पण अशा थापडा घेत आणि देत आलो आहोत. जेवढ्या खाल्ल्या त्याच्यापेक्षा जास्त दामदुपटीने दिल्या आहेत. यापुढेही देऊ. त्यामुळे आम्हाला थापडा मारण्याची धमकी देऊ नये. एकच थापड देऊ की, पुन्हा कधी उठणार नाही. हा शिवसेनेचा हा लढवय्याचा गुण आहे”, असं म्हणत उद्धव ठाकरे यांनी विरोधकांवर हल्लाबोल केला.
