हॅलो महाराष्ट्र ऑनलाईन | आपण रोज अपघाताच्या बातम्या ऐकत असतो. अशातच एक धक्कादायक बातमी समोर आलेली आहे. ती म्हणजे धारणी तालुक्यातील एका गावात नाल्यामध्ये खाजगी ट्रॅव्हल बस उलटली आहे. आणि त्यात सहा जणांचा दुर्दैवी मृत्यू झाल्याची माहिती पोलिसांकडून हाती आलेला आहे. यामध्ये काही शिक्षकांचा देखील समावेश होता तसेच या अपघातात काही महिला शिक्षिका जखमी झालेले आहेत. माळ घाटातील विविध शाळांमध्ये हे शिक्षक शिकवत होते. सोमवारी सकाळी शाळेच्या वेळेत जाण्यासाठी ते खाजगी बस मधून प्रवास करत होते.
ही बस सकाळी 5:15 वाजता अमरावती अमरावती वरून निघाली होती. परंतु या बसला जायला थोडा उशीर झाला. त्यामुळे लवकर पोहोचण्यासाठी बस चालकाने ही बस अत्यंत वेगाने पुढे नेली. परंतु सकाळी आठच्या सुमारास गावाजवळील नाल्यात ही बस कोसळली. आणि यामध्ये अनेक प्रवासी जखमी झालेले आहेत.यामध्ये धारणी येथील वसंतराव नाईक महाविद्यालयातील सेवानिवृत्त झालेले राजेंद्र पाल बाबू यांचा देखील समावेश आहे.
त्यांचा देखील या अपघातात मृत्यू झालेला आहे. जर लोक जखमी आहेत, त्यांच्यावर शासकीय रुग्णालयांमध्ये प्राथमिक उपचार चालू असल्याची माहिती हातात आलेली आहे. त्याचप्रमाणे या अपघातात सहा जण जागीच ठार झालेले आहे. त्यामुळे सर्वत्र तारांबळ उडालेली आहे. तेथील स्थानिक लोकांनी या कोसळलेल्या बसमधून लोकांना बाहेर काढण्याचा प्रयत्न केला. तसेच बसमधील सगळ्या लोकांनाही बाहेर काढले.जे लोक जखमी होते त्यांना शासकीय रुग्णालयांमध्ये दाखल केले आहे. आणि त्यांच्यावर प्राथमिक उपचार चालू आहेत.