नवी दिल्ली । ई-कॉमर्स क्षेत्रातील दिग्गज कंपनी अ‍ॅमेझॉनला मोठा झटका बसला आहे. खरं तर, भारतीय स्पर्धा आयोगाने (CCI) Amazon च्या Future Coupons सोबतच्या कराराला दिलेली मंजुरी स्थगित केली आहे. याशिवाय काही तरतुदींचे उल्लंघन केल्याबद्दल CCI ने अ‍ॅमेझॉनला 202 कोटी रुपयांचा दंडही ठोठावला आहे.
नोव्हेंबर 2019 मध्ये हा करार मंजूर झाला
CCI ने नोव्हेंबर 2019 मध्ये फ्युचर कूपनमध्‍ये 49 टक्के स्‍टेक खरेदी करण्यासाठी Amazon चा करार मंजूर केला. आयोगाने आपल्या 57 पानांच्या आदेशात म्हटले आहे की, ही मान्यता काही काळासाठी स्थगित राहील.
CCI ने जुलै 2021 मध्ये नोटीस बजावली होती
Amazon आणि Future Group यांच्यात कायदेशीर वाद सुरू आहे. दरम्यान, फ्युचर ग्रुपने ई-कॉमर्स कंपनीविरोधात CCI कडे तक्रार केली होती. यानंतर, CCI ने जुलै 2021 ला Amazon ला नोटीस बजावली.
Amazon ने चुकीचे स्टेटमेंट दिले, लपवले हेतू
फ्युचर कूपन प्रायव्हेट लिमिटेड (FPCL) आणि कॉन्फेडरेशन ऑफ ऑल इंडिया ट्रेडर्स (CAIT) यांनी Amazon वर FPCL मधील 49 टक्के हिस्सेदारी संपादन करून मूळ कंपनी फ्यूचर रिटेल लिमिटेडवर अप्रत्यक्षपणे नियंत्रण मिळवण्याचा आपला हेतू उघड न केल्याचा आरोप केला आहे. CCI ने आपल्या आदेशात म्हटले आहे की, कमर्शियल एग्रीमेंटच्या संदर्भात, Amazon ने कॉम्बिनेशनची वास्तविक स्कोप लपवला आणि खोटे स्टेटमेंट दिले.
हायकोर्टाने CCI ला लवकरच निर्णय घेण्यास सांगितले होते
दिल्ली उच्च न्यायालयाने 16 नोव्हेंबर 2021 रोजी भारतीय स्पर्धा आयोगाला फ्युचर कूपन प्रायव्हेट लिमिटेड (FCPL) मधील गुंतवणुकीची मान्यता रद्द करण्याच्या मुद्द्यावर Amazon ला बजावलेल्या कारणे दाखवा नोटीसवर त्वरित निर्णय घेण्याचे निर्देश दिले. FCPL मध्ये गुंतवणूक करण्यासाठी Amazon ला दिलेल्या मंजुरीला फ्युचर ग्रुपने आव्हान दिले होते.