हॅलो महाराष्ट्र ऑनलाईन । सरकारी तेल विपणन कंपन्यांनी (OMCs) रविवारी तेलाचे नवीन दर जाहीर केले आहेत. सरकारी तेल कंपन्यांनी आज पेट्रोल आणि डिझेलच्या दरात कोणताही बदल केलेला नाही. शनिवारी पेट्रोल 13 पैशांनी तर डिझेल 12 पैशांनी प्रतिलिटर स्वस्त झाले होते. राष्ट्रीय राजधानी दिल्लीत एक लिटर पेट्रोलची किंमत 81.86 रुपये आणि एक लिटर डिझेलची किंमत 72.93 रुपये प्रति लिटर आहे. या महिन्याच्या सुरुवातीपासूनच पेट्रोल आणि डिझेलच्या किंमती कमी होत आहेत.
पेट्रोल 2 रुपयांपर्यंत स्वस्त होऊ शकते
आंतरराष्ट्रीय पातळीवर क्रूड तेलाच्या किंमती खाली आल्या आहेत आणि रुपयामध्ये जोरदार वाढ झालेली आहे. अशा परिस्थितीत पेट्रोल डिझेलच्या किंमती घसरण्याचा अंदाज तज्ज्ञ व्यक्त करत आहेत. क्रूडमध्ये 20 टक्के कपात केल्यास पेट्रोल आणि डिझेलच्या किमतींमध्येही 5 टक्क्यांची कपात होऊ शकते. तर पेट्रोल आणि डिझेल प्रतिलिटर अडीच ते तीन रुपयांनी स्वस्त होऊ शकतात.
दररोज सकाळी 6 वाजेपासून नवीन दर लागू आहेत. पेट्रोल आणि डिझेलच्या किंमतीत अबकारी शुल्क, डीलर कमिशन आणि इतर गोष्टी जोडल्यानंतर त्याची किंमत जवळजवळ दुप्पट होते.
सौदी अरेबियाने तेलाची किंमत कमी केली
सौदी अरेबियाने ऑक्टोबरमध्ये विक्रीसाठी असलेल्या तेलाची किंमत कमी केली आहे. कोरोना विषाणूच्या संसर्गाच्या वाढीमुळे तेल बाजारात नुकतीच वाढलेली मागणी पुन्हा कमी होत आहे. सौदी अरेबियाच्या सरकारी मालकीची तेल कंपनी असलेल्या सौदी अरामकोने जूनपासून पहिल्यांदाच आपल्या अरबी लाइट टू एशियाची किंमत प्रति बॅरल 1.4 डॉलरने कमी केली. त्यानंतर, सौदी अरेबियाने वापरलेल्या बेंचमार्कपासून तेलाच्या किंमती 50 सेंटसनी खाली आल्या. अरामको वायव्य युरोप आणि भूमध्य प्रदेशासाठी देखील तेलाच्या किंमती कमी करेल.
देशातील मोठ्या शहरांमध्ये आजच्या पेट्रोल डिझेलच्या नवीन किंमती काय आहेत ते जाणून घ्या.
दिल्ली पेट्रोल 81.86 रुपये आणि डिझेल प्रति लिटर 72.93 रुपये आहे.
मुंबई पेट्रोलची किंमत 88.51 रुपये आणि डिझेलची किंमत 79.45 रुपये प्रतिलिटर आहे.
कोलकाता पेट्रोल 83.36 रुपये आणि डिझेल 76.43 रुपये प्रति लिटर आहे.
चेन्नई पेट्रोलची किंमत 84.85 रुपये आणि डिझेलची किंमत 78.26 रुपये प्रतिलिटर आहे.
नोएडा पेट्रोल 82.19 रुपये तर डिझेल 73.24 रुपये प्रतिलिटर आहे.
गुरुग्राम पेट्रोल 80.02 रुपये तर डिझेल 73.40 रुपये प्रतिलिटर आहे.
लखनऊ पेट्रोल 82.09 रुपये तर डिझेल 73.14 रुपये प्रतिलिटर आहे.
पटना पेट्रोल 84.43 रुपये तर डिझेल 78.18 रुपये प्रतिलिटर आहे.
जयपूर पेट्रोल 89.05 रुपये तर डिझेल 81.93 रुपये प्रतिलिटर आहे.
घरबसल्या आपल्या शहरातील पेट्रोलची किंमत काय आहेत ते जाणून घ्या
एसएमएसद्वारे कोणतीही व्यक्ती दररोज आपल्या शहरातील पेट्रोल डिझेलची किंमत देखील तपासू शकते. इंडियन ऑईल ग्राहक RSP <डीलर कोड> हा नंबर 9292992249 वर पाठवू शकतात आणि बीपीसीएल ग्राहक RSP <डीलर कोड> क्रमांक 9223112222 वर लिहू शकतात. एचपीसीएल ग्राहक HPPrice <डीलर कोड> 9222201122 क्रमांकावर पाठवू शकतात.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”