नवी दिल्ली । फास्टॅगच्या (FAStag) माध्यमातून दररोज मिळणाऱ्या टोल कलेक्शनची रक्कम (Average Toll Collection) 100 कोटी रुपयांवर पोहोचली आहे. केंद्रीय रस्ते वाहतूक आणि महामार्ग मंत्री (Road Transport and Highways Minister) नितीन गडकरी (Nitin gadkari) यांनी सोमवारी राज्यसभेत ही माहिती दिली. माहिती अशी आहे की, केंद्र सरकारने 15 फेब्रुवारीच्या रात्रीपासून फास्टॅग अनिवार्य केले होते. दुसरीकडे, याचा उपयोग न करणाऱ्यांकडून संपूर्ण भारतभर कार्यरत असलेल्या इलेक्ट्रॉनिक टोल प्लाझावर डबल टोल टॅक्स वसूल करण्याच्या सूचनाही देण्यात आल्या.
16 मार्च 2021 पर्यंत, तीन कोटींपेक्षा जास्त फास्टॅग जारी केले गेले आहेत. त्याचबरोबर त्यांच्याकडून जमा होणारा डेली टोल कलेक्शनही 100 कोटी रुपयांवर पोहोचला आहे. ही आकडेवारी 1 मार्च 2021 ते 16 मार्च पर्यंतची आहे. गडकरी पुढे म्हणाले की,”सरकारने 1 जानेवारी 2021 पासून सर्व M आणि N प्रवर्गातील मोटर व्हेइकल्स साठी फास्टॅग अनिवार्य केले होते, त्यासाठी केंद्रीय मोटर वाहन अधिनियम 1989 मध्ये सुधारणा करण्यात आली.
M आणि N प्रवर्गात कोणती वाहने आहेत?
M प्रवर्गात अशा वाहनांचा समावेश होतो जी किमान चार चाकी असतात आणि प्रवासी वाहून नेण्यासाठी वापरतात. त्याच वेळी N प्रवर्गात अशा वाहनांचा समावेश होतो जी कमीतकमी चार चाके असतात, परंतु जी सामान आणि वस्तू वाहून नेण्यासाठी किंवा त्या व्यक्तीकडे वस्तू घेऊन जाण्यासाठी वापरली जातात.
म्हणूनच अनिवार्य केले गेले
गडकरी म्हणाले की,”डिजिटल मोडच्या (Digital mode) माध्यमातून टोल भरण्यास प्रोत्साहन देण्याचे उद्दीष्ट म्हणजे वाहतुकीची कोंडी दूर करणे, पारदर्शकता वाढवणे आणि वाहनांमुळे होणारे प्रदूषण टाळणे यासाठी टोल प्लाझा वर FASTag अनिवार्य केले आहे.
दुप्पट फी वसूल करण्याची तरतूद आहे
केंद्रीय मोटर वाहन कायदा 1989 च्या अंतर्गत वाहनांमध्ये FASTag अनिवार्य आहेत. त्याचबरोबर, ज्या वाहनात FASTag नसेल त्या वाहनाकडून दंड वसूल करण्याची तरतूद करण्यात आली आहे. ते म्हणाले की,” राष्ट्रीय महामार्गांवर, राष्ट्रीय महामार्ग दर नियम 2008 नुसार युझर फी जमा केली जाते.”
पुढच्या वर्षी जीपीएस आणण्याची तयारी करत आहे
केंद्रीय रस्ते वाहतूक आणि महामार्ग मंत्री नितीन गडकरी यांनी 18 मार्च रोजी टोल प्लाझा (Toll Plaza) बाबत एक मोठी घोषणा केली. लोकसभेत नितीन गडकरी यांनी सांगितले होते की,” येत्या एका वर्षात देशातील सर्व टोल प्लाझा संपुष्टात येतील. तथापि, याचा अर्थ असा नाही की, टोल भरावा लागणार नाही. आता गाड्यांमध्ये जीपीएस सिस्टम (GPS system) बसविण्यात येणार असून त्या मदतीने टोल शुल्क (Toll Fee) भरले जाईल.”
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
Click Here to Join Our WhatsApp Group