औरंगाबादकरांसाठी धोक्याची घंटा; दिवसभरात ३० नवीन कोरोनाग्रस्त, एकूण संख्या पोहोचली ९०० वर

औरंगाबाद । राज्यातील कोरोना बाधित रुग्णांच्या संख्येत लक्षणीय वाढ होत असतानाच औरंगाबाद जिल्ह्यातील कोरोनाग्रस्तांचा एकदाही झपाट्याने वाढताना दिसत आहे. औरंगाबाद जिल्ह्यात आज दिवसभरात एकूण ३० नवीन कोरोना बाधित रुग्णांची नोंद झाली असून जिल्ह्यातील एकूण रुग्णांची संख्या आता ९०१ वर पोहोचली आहे.

#औरंगाबाद जिल्ह्यात 901 कोरोनाबाधित, आज 59 रुग्णांची वाढ
🟢255 जण कोरोनामुक्त
🔴26 कोरोनाबाधितांचा मृत्यू
सविस्तर बातमीसाठी या https://t.co/QvuX3aV3B8 लिंकवर क्लिक करा pic.twitter.com/uqnUZOCDus

— DIST. INFORMATION OFFICE CHHATRAPATI SAMBHAJINAGAR (@InfoCSNagar) May 16, 2020

औरंगाबाद शहरात आज 59 कोरोनाबाधित रुग्णांची वाढ झाल्याने जिल्ह्यातील कोरोनाबाधितांची एकूण संख्या 901 झाली असल्याचे जिल्हा प्रशासनाने कळवले आहे. औरंगाबाद शहरातील आज आढळलेल्या रुग्णांचा तपशील पुढीलप्रमाणे (कंसात रुग्ण संख्या) आहे. एमजीएम मेडिकल कॉलेज (3), हनुमान चौक, चिकलठाणा (1), राम नगर (3), एमआयडीसी (1), जालान नगर (1), संजय नगर, लेन नं.6 (3), सादात नगर (4), किराडपुरा (1), बजाज नगर (1), जिनसी रामनासपुरा (1), जुना मोंढा, भवानी नगर, गल्ली नं. पाच (1), जहागीरदार कॉलनी (1), आदर्श कॉलनी (1), रोशन गेट (1), शंभू नगर (7), सिटी चौक (1), कैलास नगर (1), चाऊस कॉलनी (1), मकसूद कॉलनी (2), हुसेन कॉलनी (4), जाधववाडी (1), न्यू बायजीपुरा, गल्ली नं.3 (1), एन सहा, संभाजी कॉलनी, सिडको (1), कटकट गेट (1), बायजीपुरा (10), अमर को- ऑपरेटिव्ह सोसायटी, एन आठ, सिडको (2), लेबर कॉलनी (1), जटवाडा (1), राहुल नगर (1) आणि जलाल कॉलनी (1) या भागातील कोरोनाबाधित आहेत. यामध्ये 33 पुरुष आणि 26 महिला रुग्णांचा समावेश आहे.

दरम्यान, आत्तापर्यंत औरंगाबाद जिल्ह्यात एकूण 255 जण कोरोनामुक्त झाले आहेत. राहुल नगरातील 60 वर्षीय महिलेचा 15 मे रोजी उपचारादरम्यान मृत्यू झाला. त्यांचा कोरोना तपासणी अहवाल आज पॉझिटिव्ह आल्याने आजपर्यंत 26 रुग्णांचा कोरोना आजारामुळे मृत्यू झालेला आहे, असेही कळवण्यात आले आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.