आतापर्यंत 4.86 कोटी लोकांनी भरला ITR, 31 डिसेंबर आहे दाखल करण्याची शेवटची तारीख

नवी दिल्ली । 2021-22 च्या मूल्यांकन वर्षासाठी इन्कम टॅक्स रिटर्न म्हणजेच ITR भरण्याची अंतिम तारीख 31 डिसेंबर 2021 आहे. त्याच वेळी, इन्कम टॅक्स डिपार्टमेंटने बुधवारी सांगितले की,”28 डिसेंबर 2021 पर्यंत 4.86 कोटीहून जास्त इन्कम टॅक्स रिटर्न म्हणजेच ITR भरले गेले आहेत. त्यात 28 डिसेंबर रोजी दाखल केलेल्या 18.89 लाखांहून अधिक ITR चाही समावेश आहे.

31 डिसेंबरनंतर तुम्हाला 5,000 रुपये दंड भरावा लागू शकतो
सरकारने दिलेल्या तारखेनंतर विवरणपत्र भरल्यास 5,000 रुपये दंड आकारला जाऊ शकतो. इन्कम टॅक्स ऍक्ट 234F मध्ये त्याचा उल्लेख आहे. मात्र, जर करदात्याचे उत्पन्न 5 लाख रुपयांच्या आत असेल, तर लेट फी म्हणून 1,000 रुपये भरण्याचा नियम आहे. 5 लाखांपेक्षा जास्त कमावल्यास दंडाची रक्कम वाढेल.

ITR कसा फाइल करायचा ?
जर तुम्हाला ई-फायलिंग पोर्टलला भेट देऊन तुमचा ITR भरायचा असेल, तर तुम्ही या स्टेप्स ची मदत घेऊ शकता-
सर्व प्रथम ई-फायलिंग पोर्टल http://incometax.gov.in वर जा आणि लॉगिन बटणावर क्लिक करा.
– आता तुम्हाला तुमचे युझरनेम टाकावे लागेल आणि Continue बटणावर क्लिक करावे लागेल.
– आता तुम्हाला तुमचा पासवर्ड टाकावा लागेल.
– आता ई-फाइल टॅबवर क्लिक करा आणि फाइल इन्कम टॅक्स रिटर्न पर्यायावर क्लिक करा.
– मूल्यांकन वर्ष 2021-22 निवडा आणि नंतर Continue पर्यायावर क्लिक करा.
– त्यानंतर तुम्हाला ‘ऑनलाइन’ किंवा ‘ऑफलाइन’ पर्याय निवडण्यास सांगितले जाईल.
– ऑनलाईन पर्याय निवडा आणि Continue टॅबवर क्लिक करा.
– आता ‘Personal’ हा पर्याय निवडा.
– वैयक्तिक, हिंदू अविभक्त कुटुंब (HUF) किंवा इतर.
– Continue वर क्लिक करा.
– ITR-1 किंवा ITR-4 निवडा आणि Continue टॅबवर क्लिक करा.
– इन्कम टॅक्स ऍक्ट 139(1) च्या7 व्या तरतुदी अंतर्गत किंवा सूट मर्यादेच्यावर रिटर्नचे कारण विचारले जाईल.
– ITR ऑनलाइन भरताना योग्य पर्याय निवडा.
– तुमचे बँक अकाउंट डिटेल्स एंटर करा.
– आता ITR फाइल करण्यासाठी एक नवीन पेज पाठवले जाईल.
– तुमचा ITR व्हेरिफाय करा आणि रिटर्नची हार्ड कॉपी इन्कम टॅक्स डिपार्टमेंटकडे पाठवा.