हॅलो महाराष्ट्र ऑनलाईन । बॉलीवूड मधील सर्वात लोकप्रिय कपल असलेल्या दीपिका पदुकोण आणि रणवीर सिंग यांनी आपल्या चाहत्यांना गु न्यूड दिली आहे. गणेशोत्सवाच्या काळातच दीपिका आई बनली असून तिने एका गोड चिमुकलीला जन्म दिला (Deepika Padukone Baby) आहे. पापाराझी विरल भयानीने आपल्या इंस्टाग्रामवर एक पोस्ट शेअर केली करत याबाबत माहिती दिली आहे. आणि या प्रेमी जोडप्याने त्यांच्या आयुष्यात मुलीचे स्वागत केल्याचे सांगितलं आहे. त्यामुळे दीपिका-रणवीरच्या चाहचे चांगलेच खुश झाले असून दोघांचेही अभिनंदन करण्यात येत आहे.
रणवीरची इच्छा पूर्ण– Deepika Padukone Baby
रणवीरने त्याच्या एका जुन्या मुलाखतीत खास इच्छा बोलून दाखवली होती. रणवीरला मुलगी हवी होती आणि अखेर त्याची ही इच्छा पूर्ण झाली आहे. एका वृत्तवाहिनीने दिलेल्या वृत्तानुसार, या खास क्षणापूर्वी दीपिका आणि रणवीर हे दोघेही त्यांच्या आलिशान कारमधून मुंबईतील एचएन रिलायन्स हॉस्पिटलमध्ये जाताना दिसले. जिथे पापाराझींनी त्यांना प्रसूतीपूर्वीच पाहिले होते. तेव्हापासून, चाहते दोघेही आई-वडील झाल्याच्या बातमीची वाट पाहत होते. अखेर रणवीर आणि दीपिका आईबाबा झाल्याचे समोर आलं आहे.
नुकतेच दीपिकाने सिद्धिविनायक मंदिरात माथा टेकवून गणपती बाप्पाचा आशीर्वाद घेतला होता. हिरव्या रंगाच्या बनारसी साडीत दीपिका खूपच सुंदर दिसत होती. तिच्या चेहऱ्यावर गरोदरपणाची चमक स्पष्ट दिसत होती. त्यापूर्वी गेल्या आठवड्यात, दीपिका आणि रणवीरने इंस्टाग्रामवर त्यांच्या जबरदस्त मॅटर्निटी फोटोशूटची छायाचित्रे शेअर केली, ज्याचे खूप कौतुक झाले. रणवीर आणि दीपिकाने 2018 मध्ये इटलीत लग्न केलं होतं. सात वर्षे एकमेकांना डेट केल्यानंतर हे दोघं लग्नबंधनात अडकले होते. आता ६ वर्षांनी या जोडप्याने एका गोड बाळाला जन्म (Deepika Padukone Baby) दिला आहे.