हॅलो महाराष्ट्र ऑनलाईन । दिल्लीतील लाल किल्ला मेट्रो स्टेशनबाहेर झालेल्या स्फोटामुळे (Delhi Red Fort Blast) संपूर्ण देशात खळबळ उडाली आहे. धावत्या कारमध्ये झालेल्या स्फोटात 9 जणांचा मृत्यू झाला असून, 30 जण जखमी झाले आहेत. हा स्फोट म्हणजे दहशतवादी कट असल्याचा संशय व्यक्त केला जात आहे. त्यादृष्टीने तपास सुरू असतानाच आता एक धक्कादायक माहिती समोर येत आहे. लाल किल्ल्याजवळ ज्या कारमध्ये स्फोट झाला ती i20 कार होती. कारचा चालक डॉ. मोहम्मद उमर फरिदाबाद मॉड्यूलशी संबंधित असल्याचं सांगितलं जात आहे.
3 तास तो कारमध्येच- Delhi Red Fort Blast
घटनास्थळावरून जप्त केलेल्या कारमध्ये सापडलेल्या मृतदेहाची डीएनए चाचणी करण्यात येणार आहे, जेणेकरून कारमधील व्यक्ती डॉ. उमर मोहम्मद आहे की नाही हे स्पष्ट होईल. यामागचे कारण म्हणजे गुप्तचर यंत्रणांना संशय आहे की डॉ. उमर मोहम्मद आय-२० कारमधील प्रवासी होता. दिल्ली पोलिसांनी पार्किंगमध्ये गाडी येताना आणि जातानाचे सीसीटीव्ही फुटेज जप्त केले आहे. या फुटेजमध्ये संशयित एकटाच दिसत आहे. तीन तास तो कारमध्येच बसलेला होता. ज्यामध्ये त्याने काळा मास्क घातला आहे. फरिदाबादमध्ये मोठ्या प्रमाणात अमोनियम नायट्रेट जप्त केल्याची माहिती मिळाल्यानंतर दिल्ली पोलिस आणि इतर एजन्सी डॉ. उमर मोहम्मद याचा शोध घेत होते. त्यामुळे घाईगडबडीत उमरने हा आत्मघातकी स्फोट घडवून तर आणला नाही ना? अशी शंका व्यक्त करण्यात येत आहे. Delhi Red Fort Blast
जेव्हा फरीदाबाद दहशतवादी मॉड्यूलमध्ये एकामागून एक अटक होऊ लागली, तेव्हा डॉ. उमरला अटकेची भीती वाटू लागली आणि घाबरून त्याने दहशतवादी हल्ल्याची योजना आखली. त्याने त्याच्या साथीदारांसह कारमध्ये डिटोनेटर ठेवले आणि स्फोट घडवून आणला. बॉम्बस्फोटांच्या तपासात जम्मू आणि काश्मीरमधील तारिक आणि मोहम्मद उमर ही दोन नावं समोर आली आहेत. ज्या i20 कारमध्ये स्फोट झाला ती सलमान नावाच्या व्यक्तीचा होती. पोलिसांनी सलमानला ताब्यात घेतलं आणि चौकशीदरम्यान त्याने ती कार तारिक नावाच्या व्यक्तीला विकल्याचे उघड केलं. पोलिस तपासात ही कार तारिक नावाच्या व्यक्तीला विकल्याचे समोर आले आहे.
