औरंगाबाद | अमित येवले
मराठवा़डा मुक्तीसंग्राम दिनानिमित्त मुख्यमंत्री फडणवीस यांनी हुतात्मा स्मारकाला पुष्पचक्र अर्पण करून हुतात्म्यांना अभिवादन केले. याप्रसंगी मराठवा़डा मुक्तीसंग्राम दिना निमित्त औरंगाबाद येथे ध्वजारोहण आणि ‘अग्रेसर मराठवाडा ‘ पुस्तिकेचे प्रकाशन करण्यात आले.
यावेळी बोलतांना मुख्यमंत्री म्हणाले, मराठवाड्याच्या विकासासाठी आम्ही कटिबद्ध आहोत. मागील ४ वर्षात सिंचनाचा अनुशेष, जलयुक्त शिवार, मागेल त्याला शेततळे, बळीराजा शेतकरी संजीवनी योजना, नागपूर-मुंबई समृद्धी महामार्ग,ऑरिक सिटी,मराठवाडा वॉटरग्रीड अशा अनेक उपक्रमांच्या माध्यमातून शासनाने मराठवाड्याला विकासाच्या दिशेने घेऊन जाण्याची वाटचाल सुरू केलेली आहे.
मराठवाड्याला दुष्काळ मुक्तीकडे नेण्यासाठी जलयुक्त शिवार, मागेल त्याला शेततळे, वृक्ष लागवड मोहिम येथे प्रभावीपणे राबविली. यापुढेही मराठवाड्याला विकास, समृद्धीच्या दिशेने पुढे घेऊन जाण्यासाठी सर्वोतोपरी प्रयत्न करीत राहु अशी ग्वाही मुख्यमंत्री देवेंद्र फडणवीस यांनी दिली.
यावेळी परिवहनमंत्री रावते , महापौर नंदकुमार घोडीले , मराठवाडा वैधानिक विकास मंडळाचे अध्यक्ष डॉ भागवत कराड उपस्थित होते.
