हॅलो महाराष्ट्र ऑनलाइन | डी गॅंग संबंधित व्यक्ती कडून जमीन व्यवहार केल्याच्या आरोपाखाली ईडी कोठडीत असलेले राष्ट्रवादी कॉंग्रेसचे नेते आणि राज्याचे अल्पसंख्याक मंत्री नवाब मलिक यांच्या अडचणीत वाढ होण्याची शक्यता आहे. नवाब मलिक यांचा मुलगा फराझ मलिक याना ईडी ने समन्स बजावले आहेत. फराज मलिक हे आजच चौकशीला जाण्याची शक्यता आहे.
यापूर्वी नवाब मलिक यांचे बंधू कप्तान मलिक यांनाही ईडी ने समन्स बजावले होते. त्यानंतर आता त्यांचा मुलगा फराज मलिक यांना ईडी ने बोलावलं आहे. कुख्यात गुंड दाऊद इब्राहिम आणि सहकार्याबाबत झालेल्या हवाला प्रकरणात ईडीकडून प्रश्‍न विचारले जाण्याची शक्यता आहे.
दरम्यान, प्रकृती खालावल्याने रुग्णालयात उपचारासाठी दाखल झालेल्या नवाब मलिक यांची प्रकृती बरी झाली असून त्यांना आजच जे. जे रुग्णालातून डिस्चार्ज मिळाला आहे. आज सकाळी 10 वाजता त्यांना ईडी कार्यालयात परत नेण्यात आले.