नवी दिल्ली । इक्विटी लिंक्ड सेव्हिंग स्कीम (ELSS) ही टॅक्स सेव्हिंग स्कीम म्हणून ओळखली जाते. या योजनेद्वारे, तुम्हाला प्राप्तिकर कायदा 1961 अंतर्गत 80C अंतर्गत जास्तीत जास्त 1.5 लाख रुपयांपर्यंतची सूट मिळू शकते. मात्र, ही स्कीम फक्त टॅक्स वाचवण्यासाठीच नाही तर त्याहूनही जास्त आहे. शेअर इंडिया सिक्युरिटीजचे व्हाइस प्रेसिडेंट रवी सिंग ‘या’ फंडाचे फायदे कसे आहेत याबद्दल सांगतात की…
कर बचतीव्यतिरिक्त आणखी काय फायदे आहेत?
टॅक्स सेव्हिंग स्कीम असण्याव्यतिरिक्त ती गुंतवणूकदारांना चांगला रिटर्न देखील देऊ शकते कारण त्यातील 80% इक्विटी किंवा इक्विटी संबंधित साधनांमध्ये गुंतवले जाते. या योजनेचे वैशिष्ट्य म्हणजे याचा लॉक-इन पिरियड इतर सर्व टॅक्स सेव्हिंग स्कीममध्ये सर्वात कमी आहे. याचा लॉक-इन पिरियड फक्त 3 वर्षांचा आहे. तर दुसरीकडे टॅक्स सेव्हिंगसाठी FD मधील लॉक-इन पिरियड 5 वर्षे, PPF मध्ये 15 वर्षे आणि पोस्ट ऑफिस NSC मध्ये 5 वर्षे आहे. यामध्ये आपत्कालीन परिस्थितीत गुंतवणूकदार 3 वर्षानंतर पैसे काढू शकतात तर इतर योजनांमध्ये अशा सुविधा उपलब्ध नाहीत.
ELSS फंड किती सुरक्षित आहेत ?
इक्विटी-केंद्रित योजना असल्याने, बाजारात नेहमीच धोका असतो. यामध्ये PPF, टॅक्स सेव्हिंग FD किंवा NSC सारखा निश्चित रिटर्न मिळणे आवश्यक नाही. मात्र इथे हे लक्षात असू द्या की, हे फंडस् उच्च पात्र आणि अनुभवी फंड मॅनेजर्सद्वारे मॅनेज केले जातात जे जोखीम टाळतात, चांगले रिटर्न मिळविण्यासाठी खूप मेहनत घेतात आणि कमीत कमी जोखीम ठेवतात.
ELSS मध्ये फंड ठेवण्यासाठी सर्वोत्तम कालावधी कोणता ?
हे पूर्णपणे गुंतवणूकदारांवर अवलंबून आहे. गुंतवणूकदारांना आर्थिक चणचण भासत नसेल आणि आर्थिक परिस्थिती त्यांना अनुकूल असेल तर त्यांनी दीर्घकाळ गुंतवणूक करत राहावे. तुम्ही दीर्घ मुदतीसाठी गुंतवणूक ठेवल्यास ELSS चांगला रिटर्न देऊ शकते.
अनपेक्षित नकारात्मक परिस्थितीत ELSS कसे काम करते ?
ELSS हा इक्विटीशी संबंधित फंड असल्याने, ब्लॅक स्वान इव्हेंटच्या वेळी तो बाजारातील भावनांनुसार कामगिरी करेल. त्यामुळे सोने आणि चांदीसारख्या मौल्यवान धातूंमध्ये गुंतवणूक करून गुंतवणूकदारांनी त्यांच्या पोर्टफोलिओमध्ये विविधता आणणे केव्हाही चांगले असते. ब्लॅक स्वान सारख्या परिस्थितीत सोने चांगले रिटर्न देऊ शकते जसे आपण युक्रेन-रशियन युद्धात पाहिले आहे.
रवी सिंग म्हणतात की,” जर तुम्ही टॉप 10 ELSS फंडांची मागील कामगिरी पाहिली तर त्यांनी 3 वर्षांत 29-27 टक्के आणि 5 वर्षांत 20-27 टक्के दिले आहेत जे इतर कर बचत योजनांपेक्षा खूपच चांगले आहे.”
