नवी दिल्ली । निवृत्ती वेतन अर्थात पेन्शन मिळवण्यासाठी हयात (life certification) असल्याचा दाखला द्यावा लागतो. याला जीवन प्रमाणपत्र म्हणतात. ईपीएफओने (EPFO) देशभरात पेन्शन घेणाऱ्या ६५ लाख लोकांना दिलासा देणारा एक निर्णय घेतला आहे. आता यापुढे निवृत्तीवेतनधारक त्यांच्या घराजवळील कॉमन सर्व्हिस सेंटरमध्ये त्यांचे जीवन पुरावे बनवाता येणार आहेत त्यामुळं उतरत्या वयातील पेन्शन धारकांना यामुळं दिलासा मिळणार आहे. EPFO ही कामगार मंत्रालयाच्या अंतर्गत कर्मचार्‍यांच्या सामाजिक सुरक्षेची काळजी घेणारी संस्था आहे.
केवळ कॉमन सर्व्हिस सेंटर नव्हे तर ईपीएफओच्या (EPFO ) प्रादेशिक केंद्रावर पेन्शन धारकांना जीवन प्रमाणपत्र दिले जाऊ शकते. देशभरात १२५ प्रादेशिक केंद्रे आहेत. असे ११७ जिल्हे आहेत जिथे जिल्हास्तरीय ईपीएफओ कार्यालय आहे, तेथेही हे काम करता येईल. याशिवाय पेन्शन मिळणाऱ्या बँकेतही हे काम करता येणार आहे. देशभरात ३.६५ लाख सामान्य सेवा केंद्रे आहेत.
ईपीएफओने त्यांच्याशी करार केला आहे. त्यांची कागदपत्रे कॉमन सर्व्हिस सेंटरमध्ये इलेक्ट्रॉनिक पद्धतीने घेतली जातील. हे जीवन प्रमाणपत्र एका वर्षासाठी वैध मानले जाईल. पेन्शन कामगार वर्षाच्या कोणत्याही वेळी हे प्रमाणपत्र सादर करू शकतात. यापूर्वी हा नियम होता की प्रत्येकाने नोव्हेंबरमध्ये जीवन प्रमाणपत्र सादर करावे. मात्र ज्यांना जुने प्रमाणपत्र जमा करायचे आहे त्यांच्यासाठी शेवटची तारीख नोव्हेंबरपर्यंत असेल.
महाराष्ट्राच्या कानाकोपऱ्यातील ब्रेकिंग बातम्या थेट मोबाईलवर मिळवण्यासाठी आमचा 7972630753 हा संपर्क क्रमांक Hello News या नावाने सेव्ह करा. तुमचे नाव आणि जिल्हा आम्हाला इथे कळवा.
ब्रेकिंग बातम्यासाठी : www.hellomaharashtra.in