औरंगाबाद | औरंगाबादमधील एका पोलिस कॉन्स्टेबलचा ठाणे शहरात फूटपाथवर मृतदेह आढळल्यामुळे एकच खळबळ उडाली आहे. बळीराम मोरे (वय 40) असे पोलिस कर्मचाऱ्याचे नाव आहे. याप्रकरणी पोलिस पुढील तपास करीत आहेत.
पोलिसांनी केलेल्या तपासात अशी माहिती समोर आली आहे की, बळीराम मोरे हे औरंगाबाद येथील पोलिसांच्या मोटर परिवहन विभागात कार्यरत होते. या प्रकरणी औरंगाबाद पोलिसांशी संपर्क साधला असता त्यांनी सांगितले की, बळीराम मोरे यांची प्रकृती ठिक नसल्याने ते आजार पणाच्या सुट्टीवर होते. या प्रकरणी पोलिसांनी अपघाती मृत्यूची नोंद केली असून, अधिक तपास सुरू आहे.
ठाणे पोलिसांच्या बिट मार्शल टीममधील पोलिस नाईक महाले आणि थविल यांना बळीराम मोरे हे फूटपाथवर आढळून आले होते. दरम्यान, बळीराम मोरे हे रजेवर असल्याने ते ठाण्यात कसे आले आणि फूटपाथवर त्यांचा मृतदेह कसा आढळून याबाबत पोलिस पुढील तपास करत आहेत.
