Fasting | उपवास केल्याने कर्करोगाचा धोका होतो कमी; संशोधनात धक्कादायक खुलासा

Fasting | आजकाल लोकांची जीवनशैली बदलल्याने वेगवेगळ्या प्रकारचे आजार देखील होत आहे. त्यातील कर्करोग हा अत्यंत झपाट्याने वेग घेणारा एक धोकादायक असा आजार बनलेला आहे. ज्यावर आता उपचार करणे देखील कठीण झालेले आहे थांबवण्यासाठी संशोधकांनी डॉक्टरांकडून नेहमीच प्रयत्न केले जात आहे. परंतु नुकतेच केलेल्या एका संशोधनात अशी माहिती समोर आलेली आहे की, कर्करोगाचा धोका कमी करण्यासाठी उपवास (Fasting) करावा. उपवासामुळे कर्करोगांच्या पेशीवर परिणाम होतो. आता उपवासाचा आणि कर्करोगाचा नक्की काय संबंध आहे? हे आज आपण जाणून घेणार आहोत.

उपवास आणि कर्करोगाचा संबंध | Fasting

उंदरांवर केलेल्या या संशोधनात असे आढळून आले की, उपवासामुळे शरीराची नैसर्गिक संरक्षण यंत्रणा मजबूत होते. यामुळे कर्करोगाच्या पेशींवर हल्ला करणाऱ्या नैसर्गिक किलर पेशींची कार्यक्षमता वाढते. उपवास करताना या पेशी साखरेऐवजी चरबी वापरतात. ज्यामुळे ते कर्करोगाच्या पेशी नष्ट करण्यास सक्षम असतात. या संशोधनातून असेही समोर आले आहे की, उपवासामुळे या पेशी ट्यूमरच्या वातावरणातही तयार होतात आणि त्यांची कर्करोगाशी लढण्याची क्षमता वाढते.

संशोधन आणि फायदे

2012 मध्ये उंदरांवर केलेल्या अभ्यासात असे आढळून आले की अल्पकालीन उपवास केमोथेरपीच्या दुष्परिणामांपासून निरोगी पेशींचे संरक्षण करू शकतो. 2016 मध्ये आणखी एका संशोधनात असेही आढळून आले की केमोथेरपीपूर्वी अल्पकालीन उपवास केल्याने विषाक्तता कमी होऊ शकते. जर्मन कॅन्सर रिसर्च सेंटरने केलेल्या अभ्यासात असे दिसून आले आहे की अधूनमधून उपवास केल्याने फॅटी लिव्हर, यकृताचा दाह आणि यकृताचा कर्करोग होण्याचा धोका कमी होतो.

मानवांवर प्रभाव | Fasting

बऱ्याच डॉक्टरांचा असा विश्वास आहे की उपवास कर्करोगाचा धोका कमी करण्यासाठी उपयुक्त ठरू शकतो, परंतु त्याचा परिणाम इन्सुलिनची पातळी आणि सेल्युलर प्रतिक्रियांवर अवलंबून असतो. उपवासामुळे इन्सुलिनची पातळी कमी करून कर्करोगाच्या पेशींसाठी अनुकूल वातावरण टाळता येते. उपवासामुळे कर्करोगापूर्वीच्या पेशी वाढण्याआधीच नष्ट होऊ शकतील अशा प्रक्रिया देखील सक्रिय करू शकतात.

उपवासाचे इतर फायदे

उपवासामुळे शरीरातील नैसर्गिक अँटिऑक्सिडंट्स वाढतात, ज्यामुळे पेशींना कर्करोगामुळे होणाऱ्या नुकसानापासून संरक्षण मिळते. तथापि, प्रत्येक रुग्णामध्ये असे घडत नाही, म्हणून यावर अधिक संशोधन आवश्यक आहे. विशेषतः त्या रुग्णांसाठी ज्यांचे वजन आधीच कमी आहे.