सोलापूर प्रतिनिधी । काही दिवसापूर्वी काँग्रेसचे अध्यक्ष राहुल गांधी यांनी सावकार यांच्यावर टीका केली होती. या टिकेमुळं राहुल गांधी यांच्यावर भाजपने जोरदार प्रतिहल्ला चढवला आहे. राष्ट्रीय तसेच राज्यातील अनेक नेत्यांनी राहुल गांधी यांना चांगलंच धारेवर धरलं आहे. याच संदर्भात माजी मंत्री लक्ष्मणराव ढोबळे यांनी आता राहुल गांधी यांच्यावर टीकास्त्र सोडलं.
”आजोबाच्या सातबाऱ्याच्या त्यागाच्या बंगल्यात बसून परदेशात जाण्यासाठी तळमळणाऱ्या राहुल गांधींना सावरकर कळणार नाहीत” असे वक्तव्य माजी मंत्री लक्ष्मणराव ढोबळेंनी केलं आहे. सोलापूर मधील जिल्हापरिषदेसमोर आज स्वातंत्र्यवीर सावरकरांच्या स्मृतींना उजाळा देण्यासाठी अखिल भारतीय विद्यार्थी परिषदेकडून विचार मंथनाचा कार्यक्रमाचे आयोजित करण्यात आले होत. यात राज्याचे माजी मंत्री लक्ष्मणराव ढोबळे यांनी स्वातंत्र्यवीर सावरकरांची स्तुती करताना काँग्रेस नेते राहुल गांधींवर सडकून टीका केली आहे.