FPIs ने सप्टेंबरमध्ये केली 26,517 कोटी रुपयांची गुंतवणूक, ‘हे’ आहे आकर्षणाचे कारण

नवी दिल्ली । परदेशी पोर्टफोलिओ गुंतवणूकदारांनी म्हणजेच FPIs ने सप्टेंबरमध्ये भारतीय बाजारात 26,517 कोटी रुपयांची निव्वळ गुंतवणूक केली आहे. सलग दुसरा महिना आहे की,”भारतीय बाजारात FPI निव्वळ खरेदीदार आहेत.”

डिपॉझिटरी आकडेवारीनुसार, 1 ते 30 सप्टेंबर दरम्यान FPIs ने 13,154 कोटी रुपये इक्विटीमध्ये आणि 13,363 कोटी रुपये डेट किंवा बॉण्ड मार्केटमध्ये गुंतवले. अशा प्रकारे त्यांची निव्वळ गुंतवणूक 26,517 कोटी रुपये झाली. यापूर्वी एप्रिलमध्ये FPIs ने भारतीय बाजारात 16,459 कोटी रुपयांची गुंतवणूक केली होती.

FPIs उदयोन्मुख बाजारपेठांमध्ये गुंतवणूक करतात
कोटक सिक्युरिटीजचे कार्यकारी उपाध्यक्ष (इक्विटी टेक्निकल रिसर्च) श्रीकांत चौहान म्हणाले, “बहुतेक प्रमुख उदयोन्मुख बाजारांमध्ये FPIs ने सप्टेंबर महिन्यात भांडवल भरले आहे. भारतात FPI ची आवक या काळात सर्वाधिक होती.” ते म्हणाले की,” या काळात दक्षिण कोरियाच्या बाजारपेठेत FPIs गुंतवणूक $ 88.4 कोटी, थायलंडमध्ये $ 33.8 कोटी आणि इंडोनेशियामध्ये $ 30.5 कोटी होती.”

FPI सावधगिरीचा पवित्रा सोडत आहेत
मॉर्निंगस्टार इंडियाचे असोसिएट डायरेक्टर (संशोधन) हिमांशू श्रीवास्तव म्हणाले, “सध्याचा ट्रेंड दर्शवितो की FPIs आता अल्पकालीन आव्हानांपलीकडे पाहत आहेत आणि मॅक्रो बाजूवर लक्ष केंद्रित करत आहेत.” ते म्हणाले की,” FPIs हळूहळू आपला सावध पवित्रा सोडत आहेत आणि भारतीय बाजारपेठेतील त्यांचा विश्वास वाढत आहे.”