मुंबई । अक्षय कुमारच्या ‘लक्ष्मी’ चित्रपटात दिसलेल्या फ्लोरा सैनीचे नाव राज कुंद्रा प्रकरणामुळे चर्चेत आले आहे. मीडिया रिपोर्टमध्ये असे म्हटले जात होते की, फ्लोरा सैनीचे राज कुंद्रा आणि त्याचा सहकारी उमेश कामत यांच्यात संवाद झाला होता. एका न्यूज पोर्टलने काही Whats App चॅटच्या आधारे दावा केला होता की, फ्लोराने राज कुंद्राशी एका कॉन्ट्रॅक्टबाबत चर्चा केली आहे. या Whats App चॅटच्या आधारे असे सांगितले जात होते की, बॉलीफेम नावाच्या अ‍ॅपच्या गाण्यासाठी राज कुंद्रा आणि उमेश कामत यांना फ्लोरा सैनीला साइन करायचे होते.
पण, आता फ्लोरा सैनीने हे रिपोर्ट चुकीचे असल्याचे सांगितले आहेत. फ्लोरा सैनीने इन्स्टाग्राम अकाउंटवर एक व्हिडिओ शेअर केला आहे, ज्यात तिने या दाव्यांबाबत प्रतिक्रिया व्यक्त केली आहे. फ्लोराने आपल्या व्हिडिओमध्ये म्हटले आहे की,”या न्यूज पोर्टलद्वारे केलेले दावे पूर्णपणे खोटे आहेत. ती म्हणते की, उमेश कामत आणि राज कुंद्रा यांच्या ज्या चॅटबाबत चर्चा रंगवल्या जात आहेत, ज्यामध्ये तिला कास्ट केल्याची चर्चा केली जात आहे जी पूर्णपणे चुकीची आहे. त्याबद्दल तिला काहीच माहिती नाही.”
त्याचबरोबर ETimes शी झालेल्या संभाषणात फ्लोरा म्हणाली की,” राज कुंद्राशी तिचे कधीही बोलणे झालेले नव्हते आणि तिचे नाव या वादात अनावश्यकपणे ओढले जात आहे.” ती पुढे म्हणाली कि -“कास्टिंग करणारी लोकं कधीकधी तुम्हाला कॉल करतात. ते आपल्याला हेच सांगतात की, हॉटशॉट अ‍ॅपसाठी अशी वेब सीरिज तयार केली जात आहे. तू इंटरेस्टेड आहेस का? आणि मी नाही म्हणाले. मी नवीन प्लॅटफॉर्मसाठी काम करत नाही कारण ते विशिष्ट प्रकारचे कन्टेन्ट तयार करतात आणि बर्‍याचदा बजटही कमी असते. मी अशा कामासाठी इंटरेस्टेड नाही.”
ती पुढे म्हणाली,”हे प्रकरण पॉर्नशी संबंधित आहे आणि त्यात माझे नाव ड्रॅग करून, तुम्ही माझा आग्रह धरत आहात की मी त्यात सामील होऊ शकेन. हे माझ्या अधिकाराचे उल्लंघन आहे. मी कोणत्याही फिल्मी कुटूंबातील नाही, म्हणूनच त्यात माझे नाव ड्रॅग करणे त्यांना योग्य वाटले. मला या प्रकारची प्रसिद्धी नको आहे. “