हॅलो महाराष्ट्र ऑनलाईन। (Gaurav More) सोनी मराठी वाहिनीवरील अत्यंत लोकप्रिय कार्यक्रम म्हणजे ‘महाराष्ट्राची हास्यजत्रा’. या कार्यक्रमाने अगदी लॉकडाऊनच्या काळातही प्रेक्षकांचे खळखळून मनोरंजन केले आणि त्यांच्या मनात आपली जागा भक्कम केली. या कार्यक्रमातून अनेक विनोदी कलाकार झळकले. अचूक टायमिंग साधून परफेक्ट पंच मारणाऱ्या या कलाकारांमध्ये लाडके ठरलेले बरेच कलाकार याआधी हास्यजत्रेतून एक्झिट झाले. पण हास्यजत्रा सुरूच राहिली आणि नव्या कलाकारांसोबत एंटरटेनमेंट करत राहिली. आतापर्यंत विशाखा सुभेदार, ओंकार भोजने यांची एक्झिट हास्यजत्रेने पचवली. पण आता गौरव मोरेने देखील हास्यजत्रेचा निरोप घेतला आहे. याबाबत त्याने स्वतःच पोस्ट शेअर केली आहे.
चाहत्यांना धक्का
अख्ख्या महाराष्ट्रात पाहिला जरा ‘महाराष्ट्राची हास्यजत्रा’ हा कार्यक्रम आज एका वेगळ्या स्तरावर आहे. या कार्यक्रमातून अभिनेता गौरव मोरे प्रसिद्धी झोतात आला. घराघरांत लोकप्रिय झाला. सुरुवातीच्या काळात प्रचंड कष्ट आणि मेहनत करून गौरवने आज मोठं यश मिळवलं आहे. पण आता प्रेक्षकांचा लाडका फिल्टरपाड्याचा बच्चन म्हणजेच गौऱ्या (Gaurav More) महाराष्ट्राची हास्यजत्रामधून एक्झिट घेतोय. गेल्या काही दिवसांपासून गौरव मोरे हास्यजत्रेत दिसत नव्हता. त्यामुळे बरेच प्रेक्षक हास्यजत्रेचे एपिसोड पाहणे टाळत होते. अशातच आता गौरवने इंस्टाग्रामवर पोस्ट शेअर करत हास्यजत्रा सोडल्याचं जाहीर करून चाहत्यांना धक्का दिला आहे.
गौरव मोरेची पोस्ट (Gaurav More)
अभिनेता गौरव मोरे याने अधिकृत सोशल मीडिया हॅण्डल इंस्टाग्रामवर पोस्ट शेअर करताना MHJ च्या शूटिंग सेटचा व्हिडीओ शेअर केला आहे. सोबत लिहिलंय, ‘नमस्कार! मी गौरव मोरे फ्रॉम पवई फिल्टरपाडा… Ta na na na na naaaaaa… आरा बाप मारतो का काय मी….ये बच्ची…… रसिक प्रेक्षक आपण या साध्या मुलाला खूप प्रेम दिलं. नाव दिलं, सन्मान दिलात त्याबद्दल मी आणि माझा परिवार आपले कायम ऋणी आहोत…(Gaurav More)मला सांगताना खूप वाईट वाटतंय की, मी गौरव मोरे आपल्या लाडक्या मालिकेतून म्हणजेच ‘महाराष्ट्राची हास्यजत्रा’मधून आपला निरोप घेत आहे. माझ्या कामातून कोणाच्या भावना दुखावल्या गेल्या असतील तर, मी त्या सगळ्यांची मनापासून माफी मागतो’.
पुढे लिहिलंय, ‘महाराष्ट्राची हास्यजत्रा’ सोडून अगदीच काही दिवस झाले आणि नवा शो घेऊन तुमच्या भेटीला आलो.. माध्यमसारखं राहिलं आणि तुमचं प्रेम देखील! असं म्हणतात ना… नव्या प्रवासाची गोष्ट और असते आणि म्हणूनच नव्या प्रवासात नव्या शोसाठी तुमचा खंबीर पाठिंबा कायम असावा. नवा प्रवास सुरू झाला आणि यातून देखील तुमच्यासारख्या रसिक प्रेक्षकांचं खळखळून मनोरंजन करणार आहे. म्हणून तुमचा आशीर्वाद आणि शुभेच्छा प्रेम असंच राहू दे!’
नेटकऱ्यांच्या प्रतिक्रिया
गौरव मोरेने शेअर केलेली ही पोस्ट सोशल मीडियावर व्हायरल झाली असून अनेक नेटकरी, चाहते तसेच कलाकार मंडळी यावर प्रतिक्रिया देताना दिसत आहेत. (Gaurav More) अनेक कलाकार मंडळींनी तसेच MHJ मधील सहकलाकार मंडळींनी गौरवला पुढील वाटचालीसाठी शुभेच्छा दिल्या आहेत. तर अनेक चाहते तसेच नेटकऱ्यांनी गौरवला ‘ओंकारसारखा चुकीच्या शोमध्ये जाऊ नको’ असा फुकट सल्ला दिला आहे. दरम्यान, गेल्या काही दिवसांपासून गौरव मोरे हिंदी कॉमेडी शो ‘मॅडनेस मचाएंगे’मधून प्रेक्षकांच्या भेटीला येतोय. ज्यामध्ये कुशल बद्रिके, हेमांगी कवी हे मराठी कलाकार सुद्धा झळकत आहेत.