हॅलो महाराष्ट्र ऑनलाईन। (Gayatri Datar) संपूर्ण महाराष्ट्राची लाडकी वाहिनी कलर्स मराठी आता नव्या रूपात हे वर्ष साजरे करत आहे. या नवीन बदलाची सुरुवात काही नव्या मालिकांनी झाली. असं तर कलर्स मराठीवरील सगळ्याच मालिकांना प्रेक्षकांचा उत्स्फूर्त प्रतिसाद मिळतोय. दरम्यान, अलीकडेच सुरु झालेल्या ‘इंद्रायणी’ मालिकेला देखील प्रेक्षकांचे विशेष प्रेम मिळत आहे. कलर्स मराठी कायमच काही ना काही नवनवीन मनोरंजक कलाकृती घेऊन प्रेक्षकांच्या भेटीला येत असतात.
‘इंद्रायणी’नंतर नुकतीच ‘सुख कळले’ ही नवी मालिकासुद्धा रसिकजनांच्या भेटीला आली. ‘सुख कळले’ ही मालिका प्रेक्षकांच्या पसंतीस उतरत असतानाच आता कलर्स मराठी आणखी एक नवी मालिका घेऊन आपल्यासमोर सज्ज झाली आहे. या आगामी मालिकेचे नाव ‘अबीर गुलाल’ असे असून काही दिवसांआधी या मालिकेचा टिझर समोर आला होता. यानंतर आता मालिकेचा पहिला प्रोमो समोर आला असून मध्यवर्ती भूमिकेतील कलाकारांच्या भूमिकांचे (Gayatri Datar) फर्स्ट लूक समोर आले आहेत.
प्रोमो रिलीज
पहिल्या टीझरमध्ये आपण पाहिले होते की, दोन अनोळखी मुलींचे नशीब एका रात्रीत बदलते. पाळण्यात असतानाच त्यांची अदलाबदल होते आणि सोबतच त्यांचं नशीबही बदलत. यानंतर प्रोमोत दोघीही मोठ्या झालेल्या दिसतात. ज्यात सावळी मुलगी एका गोऱ्या कुटुंबियांच्या घरात तर, गोरी मुलगी सावळ्या आणि श्रीमंत घरात दिसते. सावळ्या मुलीचे नाव श्री तर, गोऱ्या मुलीचे नाव शुभ्रा आहे.
(Gayatri Datar) शुभ्रा तिच्या आईवडिलांची लाडकी आहे पण तीच्या वर्णामुळे ती स्वतःच्याच पालकांसोबत वाईट वागते. तर, दुसरीकडे श्रीच्या घरात सगळे गोरे म्हणून तिचे वडील तिच्या रंगावरून तिला वाईट वागणूक देतात. श्रीचा स्वभाव मनमोकळा, निरागस आणि प्रेमळ तर शुभ्राचा रागीट स्वभाव असल्याचे दिसते. यांचं नशीब यांना कुठे नेणार? हे पाहण्यासाठी मालिका पाहावी लागेल.
मध्यवर्ती भूमिकेत झळकणार ‘हे’ कलाकार (Gayatri Datar)
काही भूमिका कायमच स्मरणात राहतात. तसेच त्या भूमिका साकारणारे चेहरे देखील प्रेक्षकांच्या लक्षात असतात. अभिनेत्री गायत्री दातार (Gayatri Datar) या नव्या मालिकेतून शुभ्रा हे पात्र साकारते आहे. याआधी तिने ‘तूला पाहते रे’ या मालिकेत सुबोध भावेसोबत मुख्य भूमिका साकारली होती. यानंतर तब्बल ५ वर्षांनी ती पुन्हा एकदा मालिका विश्वात झळकणार आहे. तर ‘बापल्योक’ या सिनेमात मध्यवर्ती भूमिकेत झळकलेली अभिनेत्री पायल जाधव या मालिकेतून छोट्या पडद्यावर पदार्पण करते आहे. प्रोमोमध्ये दोघींचेही फर्स्ट लूक समोर आल्यानंतर मालिकेबाबत उत्सुकता वाढली आहे.