सोन्या-चांदीच्या किंमतीत झाली या महिन्यातील सर्वात मोठी घसरण, आजच्या किमती जाणून घ्या

हॅलो महाराष्ट्र ऑनलाइन । अमेरिकी डॉलरच्या मजबुतीमुळे आंतरराष्ट्रीय स्तरावर सोन्याच्या किंमती मोठ्या प्रमाणात खाली आल्या आहेत. यामुळे देशांतर्गत बाजारातही सोन्याच्या किंमतीत प्रति 10 ग्रॅम 672 रुपयांची घट झाली. त्याच वेळी, दिल्ली बुलियन बाजारात एक किलो चांदीच्या किंमती एका दिवसात 5,781 रुपयांनी खाली आल्या आहेत. तज्ज्ञांचे याबाबत असे म्हणणे आहे की, परदेशी बाजारात सोन्याची किंमत 3 टक्क्यांने कमी होऊन एक महिन्याच्या नीचांकी पातळीवर गेली आहे. कॉमॅक्सवर सोन्याचा भाव प्रति औंस 1900 डॉलरपर्यंत खाली आला. मात्र, या किंमतींमध्ये आणखी मोठी घसरण होण्याची शक्यता नाही.

सोन्याचे नवे दर
एचडीएफसी सिक्युरिटीजच्या मते दिल्लीमधील 99.9 टक्के शुद्धतेच्या सोन्याची किंमत ही 672 रुपयांनी घसरून 51,328 रुपये प्रति 10 ग्रॅम झाली आहे. सोमवारच्या शेवटच्या सत्रात म्हणजेच व्यापार संपल्यानंतर सोन्याचा दर प्रति 10 ग्रॅम 52,000 रुपयांवर बंद झाला. आंतरराष्ट्रीय बाजारात सोने प्रति औंस 1900 डॉलरवर बंद झाले.

चांदीचे नवे दर
सोन्याप्रमाणेच चांदीच्या किंमतींमध्येही मोठी घसरण दिसून आली आहे. मंगळवारी एक किलो चांदीची किंमत 5,781 रुपयांनी घसरून 61,606 रुपये प्रतिकिलो झाली. त्याचबरोबर, चांदी एक दिवस आधी सोमवारी 67,387 रुपये प्रति किलोवर बंद झाली

सोन्या-चांदीचे दर का कमी झाले ?
तपन पटेल म्हणतात की, कोरोना विषाणूच्या संसर्गाची दुसरी लाट येण्याची शक्यता असल्याने गुंतवणूकदारांनी डॉलरमध्ये सुरक्षित गुंतवणूक खरेदी करण्यास सुरवात केली आहे. म्हणूनच अमेरिकन डॉलरमध्ये जोरदार कल दिसून येतो आहे. अशा वातावरणात सोन्याच्या किंमती आणखी खाली येऊ शकतात.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

You might also like