Monday, February 6, 2023

मॅच्युरिटी आधीच बंद केले जाऊ शकतात गोल्ड बॉन्ड, त्याचे नियम समजून घ्या

- Advertisement -

नवी दिल्ली । शेअर बाजारात गोंधळ उडाला आहे. नॅशनल स्टॉक एक्सचेंजचा निर्देशांक निफ्टीने आज 400 हून अधिक अंकांची घसरण नोंदवली. मुंबई शेअर बाजाराचा संवेदनशील निर्देशांक सेन्सेक्सही 1300 हून अधिक अंकांनी घसरला. बाजारातील या घसरणीमुळे गुंतवणूकदारांचे मोठे नुकसान झाले आहे. बाजारातील या अस्थिरतेमुळे, गुंतवणूकदार सुरक्षित गुंतवणूतिकडे वळत आहेत. गुंतवणुकीसाठी सोने नेहमीच चांगली मालमत्ता मानली जाते. गेल्या काही वर्षांत, जगभरातील गुंतवणूकदारांसाठी सोने हा एक सुरक्षित पर्याय म्हणून उदयास आला आहे.

तुम्ही सोन्यात अनेक प्रकारे गुंतवणूक करू शकता. तुम्ही फिजिकल गोल्डच्या रूपात सोने खरेदी करू शकता म्हणजे नाणे, दागिने इ. तुम्ही गोल्ड ईटीएफमध्ये गुंतवणूक करू शकता. तुम्ही गोल्ड म्युच्युअल फंड किंवा सॉव्हरिन गोल्ड बाँडमध्ये गुंतवणूक करू शकता.

- Advertisement -

8 वर्षांसाठी गुंतवणूक
सॉव्हरेन गोल्ड बाँड हे सरकारी बॉण्ड आहेत. रिझर्व्ह बँक ऑफ इंडिया गोल्ड बाँड जारी करते. सॉव्हरेन गोल्ड बाँडची मॅच्युरिटी 8 वर्षांची आहे. त्याचा लॉक-इन पिरियड 5 वर्षांचा आहे. याचा अर्थ असा की, खरेदीच्या तारखेपासून 5 वर्षे पूर्ण झाल्यानंतर तुम्ही गोल्ड बाँडची पूर्तता करू शकता. सॉव्हरेन गोल्ड बाँड पेपर फॉर्म मध्ये आहेत. त्यामुळे फिजिकल गोल्डसारखे ते कुठे साठवायचे, अशी अडचण नाही. तुम्ही कोणत्याही फाईलमध्ये सहज सेव्ह करू शकता.

तुम्ही किती गुंतवणूक करू शकता ?
सॉव्हरेन गोल्ड बाँडमध्ये गुंतवणूकदाराला किमान एक ग्रॅम सोन्याची गुंतवणूक करावी लागते. कोणतीही व्यक्ती आणि हिंदू अविभक्त कुटुंब जास्तीत जास्त चार किलोपर्यंतचे गोल्ड बाँड खरेदी करू शकते. तर, ट्रस्ट आणि तत्सम घटकांसाठी कमाल खरेदी मर्यादा 20 किलोची आहे.

मुदतपूर्तीपूर्वी बाँडची पूर्तता
सॉव्हरेन गोल्ड बाँडचा मॅच्युरिटी कालावधी 8 वर्षांचा आहे. 8 वर्षानंतर, बाँडमधून मिळणारा पैसा पूर्णपणे टॅक्स फ्री असतो. जर तुम्हाला 8 वर्षापूर्वी बाँडची पूर्तता करायची असेल, तर तुम्हाला त्यावर टॅक्स भरावा लागेल.

तुम्ही 5 वर्षांचा लॉक-इन कालावधी पूर्ण होण्यापूर्वी आणि मुदतपूर्तीपूर्वी गोल्ड बाँडची पूर्तता करू शकता. मुदतपूर्तीपूर्वी गोल्ड बाँडच्या विक्रीतून मिळणारे उत्पन्न लाँग टर्म कॅपिटल गेन टॅक्सच्या स्वरूपात येते. यावर तुम्हाला लाँग टर्म कॅपिटल गेन टॅक्स आणि इतर शुल्कांसह सुमारे 20 टक्के टॅक्स भरावा लागेल.

जर गोल्ड बाँड स्टॉक एक्स्चेंजवर लिस्ट केले गेले असतील तर, आरबीआयने अधिसूचित केलेल्या तारखेपासून स्टॉक मार्केटमध्ये बॉण्ड्सचे ट्रेडिंग केले जाऊ शकतात. गोल्ड बाँड खरेदी केल्यापासून 3 वर्षांच्या आत विकले गेल्यास, असे रिटर्न शॉर्ट टर्म कॅपिटल गेन टॅक्स म्हणून गणले जाईल. हे उत्पन्न तुमच्या वार्षिक उत्पन्नात जोडले जाईल. त्यानंतर इन्कम टॅक्स स्लॅबनुसार त्यावर टॅक्स आकारला जाईल.

गोल्ड बाँड वरील रिटर्न
सॉव्हरेन गोल्ड बाँड (SGB) दरवर्षी 2.5 टक्के निश्चित व्याज दर मिळवतात. हे व्याज आयकर कायद्यानुसार करपात्र आहे. एका वर्षात गोल्ड बाँड्समधून मिळणारे व्याज तुमच्या उत्पन्नाच्या इतर स्त्रोतांमध्ये जोडले जाते आणि त्यानंतर एकूण उत्पन्नावर टॅक्स आकारला जातो.