हॅलो महाराष्ट्र ऑनलाईन । सोने खरेदीदार ग्राहकांसाठी मोठी आनंदाची बातमी आहे. सोन्याच्या दरात (Gold Price Today) सलग चौथ्या दिवशी घसरण झाली आहे. मल्टी कमोडिटी एक्सचेंज (MCX) वर आज १ तोळा २४ कॅरेट सोने ८८२४५ रुपयांवर व्यवहार करत आहे. तर १ किलो चांदीचा भाव 1390 रुपयांनी वाढला असून 88601 रुपयांवर पोचला आहे. ऐन लग्नसराईतच्या काळात सोन्याच्या किमती घसरल्याने सोने खरेदीदार ग्राहकांना थोडाफार दिलासा मिळाला आहे असं म्हणावं लागेल. आंतरराष्ट्रीय बाजारात सोने- चांदीच्या किमतीत दररोज बदल होत असतो.
आज ७ एप्रिल २०२५ रोजी मल्टी कमोडिटी एक्सचेंज (MCX) वर २४ कॅरेट १० ग्राम सोन्याचा व्यवहार ८८३५० रुपयांवरून सुरु झाला. मात्र अवघ्या अर्ध्यास तासांतच म्हणजे ९ वाजून ३० मिनिटांनी सोन्याच्या किमतीने ८७८३१ रुपयांचा निच्चांक गाठला. त्यानंतर सोन्याचा भाव हळू हळू वर जाऊ लागला. सध्या २४ कॅरेट १ तोळा सोन्याचा भाव ८८२४५ रुपयांवर व्यवहार करत आहे आंतरराष्ट्रीय मार्केट मध्ये सोन्याच्या किमतीत दररोज चढ उतार बघायला मिळतात त्याचा परिणाम भारतीय बाजारात होतो. सोनं हा सुरक्षित गुंतवणुकीचा योग्य पर्याय असल्याने सोन्याची मागणी वाढत आहे आणि त्याचा परिणाम सोन्याच्या दरांवर (Gold Price Today) होताना दिसत आहे.
गुड रिटर्न नुसार सोन्याचा भाव – Gold Price Today
22 कॅरेट सोन्याचा आजचा भाव (प्र. 10 ग्रॅम)-
पुणे- 82850 रुपये
मुंबई – 82850 रुपये
नागपूर – 82850 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 90380 रूपये
मुंबई – 90380 रूपये
नागपूर – 90380 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात.
