हॅलो महाराष्ट्र ऑनलाईन । आज १ एप्रिल.. नव्या आर्थिक वर्षाचा पहिला दिवस… मात्र या पहिल्याच दिवशी सोने खरेदीदार ग्राहकांना जोर का झटका बसला आहे. मागील काही दिवसांपासून सोन्याची सुरु असलेली दरवाढ (Gold Price Today) एप्रिल मध्येही कायम आहे. आज १ एप्रिल २०२५ रोजी २४ कॅरेट १० ग्राम सोने 90816 रुपये आहे. या किमतीत 0.77 टक्के म्हणजेच 696 रुपये वाढ झाली आहे. तर दुसरीकडे चांदीचा भाव सुद्धा प्रतितोळा 100701 रुपये झाला आहे. ऐन सणासुदीच्या काळात सोने – चांदी महाग झाल्याने अनेकांचं लग्नाचं बजेट कोलमडले आहे.
मल्टी कमोडिटी एक्सचेंज म्हणजे MCX वर २४ कॅरेट १० ग्राम सोन्याचा व्यवहार ९०७९७ रुपयांवरून सुरु झाला. १० वाजता सोन्याच्या किमतींनी ९१०४९ रुपयांचा उच्चांक गाठला. त्यानंतर सोन्याची किंमत हळू हळू कमी होत गेली. सध्या २४ कॅरेट १० ग्राम सोने 90816 रुपयांवर व्यवहार करत आहे. आंतरराष्ट्रीय मार्केट मध्ये सोन्याच्या किमतीत दररोज चढ उतार बघायला मिळतात त्याचा परिणाम भारतीय बाजारात होतो. सोनं हा सुरक्षित गुंतवणुकीचा योग्य पर्याय असल्याने सोन्याची मागणी वाढत आहे आणि त्याचा परिणाम सोन्याच्या दरांवर (Gold Price Today) होताना दिसत आहे. त्यामुळं येत्या काही दिवसांत मौल्यवान धातुच्या किंमती एक लाखांपर्यंत जाणार का, असा सवालही उपस्थित होताना दिसतोय.
गुड रिटर्न नुसार सोन्याचा भाव – Gold Price Today
22 कॅरेट सोन्याचा आजचा भाव (प्र. 10 ग्रॅम)-
पुणे- 85100 रुपये
मुंबई – 85100 रुपये
नागपूर – 85100 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 92840 रूपये
मुंबई – 92840 रूपये
नागपूर – 92840 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात.
