Gold Price Today : सोने 3118 रुपयांनी स्वस्त; खरेदीची हीच ती संधी?

हॅलो महाराष्ट्र ऑनलाईन । भारत पाकिस्तान यांच्यातील युध्दविरामानंतर सोन्याच्या किमतीत (Gold Price Today) विक्रमी घसरण झालेली आहे. मल्टी कमोडिटी एक्सचेंज (MCX) वर आज १२ मे २०२५ रोजी २४ कॅरेट १० ग्राम सोने 93626 रुपयांवर व्यवहार करत आहे. महत्वाची बाब म्हणजे कालच्या तुलनेत या किमतीत ३% म्हणजेच तब्बल 3118 रुपयांची घसरण झाली आहे. तर दुसरीकडे चांदीच्या किमतीत सुद्धा 244 रुपयांची किरकोळ घट झाली असून एक किलो चांदी 96485 रुपयांवर व्यवहार करत आहे. सध्या सर्वत्र लग्नसराईतची लगबग असून प्रथमच इतक्या स्वस्त सोने झाल्याने खरेदीची हीच तर योग्य संधी नाही ना असाही प्रश्न ग्राहकांच्या मनात फिरू लागलाय.

मल्टी कमोडिटी एक्सचेंज (MCX) वर आज सकाळी ९ वाजता म्हणजेच जेव्हा मार्केट सुरु झालं, तेव्हा २४ कॅरेट सोन्याचा व्यवहार प्रतितोळा ९४२२३ रुपयांपासून सुरु झाला. १२ वाजून २८ मिनीटांनी हा दर ९४०९६ रुपयांवर आला. मात्र त्यानंतर अवघ्या अर्ध्या तासांत एक तोळा सोन्याचा भाव (Gold Price Today) तब्बल 3118 रुपयांनी घसरला. अचानक झालेल्या या घसरणीमुळे मोठी खळबळ उडाली. अजूनही सोन्याच्या किमतीचा ग्राफ हा खाली खालीच जाताना दिसत आहे. तर दुसरीडे गुड रिटर्न नुसार, १ तोळा २४ कॅरेट सोन्याची किंमत ९६८८० रुपये आहे. २२ कॅरेट सोन्याचा भाव ८८८०० रुपये आहे.

गुड रिटर्न नुसार सोन्याचा भाव – Gold Price Today

22 कॅरेट सोन्याचा आजचा भाव (प्र. 10 ग्रॅम)-

पुणे- 88800 रुपये
मुंबई – 88800 रुपये
नागपूर – 88800 रुपये

24 कॅरेट सोन्याचा आजचा भाव (प्र. 10 ग्रॅम)

पुणे- 96880 रूपये
मुंबई – 96880 रूपये
नागपूर – 96880 रूपये

सोन्याची शुद्धता कशी तपासाल?

साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.