हॅलो महाराष्ट्र ऑनलाईन । सोन्याच्या किमतीने (Gold Price Today) नवा उच्चांक गाठला आहे. कालच्या घसरणीनंतर आज सोन्याच्या किमती चांगल्याच वाढलेल्या बघायला मिळत आहेत. मल्टी कमोडिटी एक्सचेंज (MCX) वर २४ कॅरेट १० ग्राम सोन्याचा भाव 95636 रुपयांवर व्यवहार करत आहे. कालच्या तुलनेत या किमतीमध्ये 0.84% म्हणजेच 795 रुपयांची वाढ झाली आहे. तर दुसरीकडे चांदीचा दर सुद्धा 472 रुपयांनी वाढून १ किलो चांदीची किंमत 97760 रुपयांवर पोचली आहे. ३-४ दिवसांत लग्नाचे मुहूर्त असताना सोन्याच्या किमती वाढल्याने सोने खरेदीदार ग्राहकांच्या खिशाला चांगलाच चाप बसणार आहे.
काल सोन्याचा व्यवहार 94841रुपयांवर बंद झाला होता. मात्र आज बाजार सुरु होताच या किमतीत (Gold Price Today) वाढ झाल्याचं पाहायला मिळालं. MCX वर २४ कॅरेट १० ग्राम सोन्याचा व्यवहार 95344 रुपयांवर उघडला. ११ वाजून २३ मिनिटांनी सोन्याच्या दराने ९५६३९ रुपयांचा उच्चांक गाठला. त्यानंतर या किमतीत काहीशी घसरण झाली. सध्या १२ वाजून १६ मिनिटांनी सोन्याचा व्यवहार ९५६५७ रुपयांवर सुरु आहे. दुसरीकडे गुड रिटर्न वेबसाईट नुसार, २४ कॅरेट १० ग्राम सोन्याची किंमत ९७४२० रुपये आहे. Gold Price Today
गुड रिटर्न नुसार सोन्याचा भाव – Gold Price Today
22 कॅरेट सोन्याचा आजचा भाव (प्र. 10 ग्रॅम)-
पुणे- 89300 रुपये
मुंबई – 89300 रुपये
नागपूर – 89300 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 97420 रूपये
मुंबई – 97420 रूपये
नागपूर – 97420 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.
