हॅलो महाराष्ट्र ऑनलाईन : सोन्या- चांदीच्या किमतीतील (Gold Price Today) दरवाढ अजूनही सुरूच आहे. एकीकडे पावसामुळे कुठेतरी गारवा आला असताना दुसरीकडे सोने- चांदीच्या वाढत्या किमती पाहून ग्राहकांना घाम फुटत आहे.मल्टी कमोडिटी एक्सचेंज (MCX) वर २४ कॅरेट १० ग्राम सोन्याचा भाव 96060 रुपयांवर व्यवहार करत आहे. मागच्या बाजाराच्या तुलनेत या किमती 461 रुपयांनी वाढ झाली आहे. तर दुसरीकडे चांदीच्या किमतीनेही नवा उच्चांक गाठला आहे. १ किलो चांदी 580 रुपयांनी वाढून 98825 रुपयांवर पोचली आहे. सोने – चांदीच्या किमती सलग दुसऱ्या दिवशी वाढल्याने ग्राहकांच्या खिशाला चाप बसला आहे.
MCX वर काल सोन्याचा व्यवहार 95599 रुपयांवर बंद झाला होता. मात्र आज बाजार सुरु होताच या किमतीत (Gold Price Today) वाढ झाल्याचं पाहायला मिळालं. आज सकाळी मार्केट उघडताच MCX वर २४ कॅरेट १० ग्राम सोन्याचा व्यवहार 96214 रुपयांवर सुरु झाला. १२ वाजून ३६ मिनिटांनी सोन्याच्या किमतींनी ९५९८५ रुपयांची निच्चांकी पातळी गाठली. त्यानंतर या दरात वाढ झाली.. सध्या १२ वाजून ५१ मिनिटांनी २४ कॅरेट १० ग्राम सोन्याची किंमत ९६०९८ रुपये आहे.
गुड रिटर्न नुसार सोन्याचा भाव – Gold Price Today
22 कॅरेट सोन्याचा आजचा भाव (प्र. 10 ग्रॅम)-
पुणे- 89750 रुपये
मुंबई – 89750 रुपये
नागपूर – 89750 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 97910 रूपये
मुंबई – 97910 रूपये
नागपूर – 97910 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.
