हॅलो महाराष्ट्र ऑनलाईन Gold Price Today । सलग ३ दिवसाच्या दरवाढीनंतर सोने- चांदीच्या किमतीत आज मोठा बदल पाहायला मिळाला आहे. मल्टी कमोडिटी एक्सचेंज (MCX) आज २४ कॅरेट १० ग्राम सोने 96400 रुपयांवर व्यवहार करत आहे, तर १ किलो चांदीचा भाव 98000 रुपयांवर पोचला आहे. सराफा बाजारात सोन्याचे भाव गेल्या काही दिवसांपासून गगनाला भिडले होते. सोन्यांच्या दरात सातत्याने वाढ होत असल्याने ऐन लग्नसराईत ग्राहकांच्या खिशाला मोठी झळ लागत होती. आजही हि झळ कायम राहिली आहे. सोन्याच्या किमतीचा चढता आलेख अजूनही सुरूच आहे.
गुड रिटर्न वेबसाईट वरही सोन्याच्या किमती (Gold Price Today) वर जाताना दिसत आहेत. गुड रिटर्न वेबसाईटनुसार, २२ कॅरेट १० ग्राम सोन्याचा भाव ८९९०० रुपये आहे, तर २४ कॅरेट १० ग्राम सोन्याचा दर ९८०८० रुपये आहे. २०२५ च्या अक्षय्य तृतीयेच्या आधी सोन्याच्या किमतीत मोठी वाढ झाली होती. प्रति १० ग्रॅम सोन्याची किंमत लाखोंच्या पार गेली होती. मात्र आता या किमती थोड्याफार प्रमाणात का होईना आटोक्यात आल्यात.
गुड रिटर्न नुसार सोन्याचा भाव – Gold Price Today
22 कॅरेट सोन्याचा आजचा भाव (प्र. 10 ग्रॅम)-
पुणे- 89900 रुपये
मुंबई – 89900 रुपये
नागपूर – 89900 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 98080 रूपये
मुंबई – 98080 रूपये
नागपूर – 98080 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.
