हॅलो महाराष्ट्र ऑनलाईन Gold Price Today । सोने खरेदीदार ग्राहकांसाठी मोठी आनंदाची बातमी आहे. भारतीय सराफा बाजारात सोने- चांदीच्या किमतीत विक्रमी घसरण झाली आहे. मल्टी कमोडिटी एक्सचेंज (MCX) वर २४ कॅरेट १० ग्राम सोने 95763 रुपयांवर व्यवहार करत आहे. मागील बाजाराच्या तुलनेत सोन्याच्या भावात 658 रुपयांची घसरण झाली आहे. तर दुसरीकडे १ किलो चांदीची किंमत 98042 रुपये आहे. सोने- चांदीच्या किमतीत सतत आपल्याला चढ उतार बघायला मिळत आहेत.
MCX वर आज सोन्याचा व्यवहार 96001 रुपयांवर उघडला जो मागील बाजारात 96421 रुपयांवर बंद झाला होता. आज आठवड्याच्या पहिल्या दिवशी बाजार सुरु होताच सोन्याच्या किमतीत (Gold Price Today) चढ उतार सुरु झाला. ९ वाजून ५१ मिनिटांनी सोन्याचा भाव ९६१०१ रुपयांच्या उच्चांकी पातळीवर गेला होता. त्यानंतर यामध्ये हळूहळू घसरण होऊ लागली. ११ वाजून ०७ मिनिटांनी सोन्याचा दर ९५७१५ रुपये झाला. यात अजूनही वर खाली होत असून सध्या १० ग्राम २४ कॅरेट सोन्याचा भाव 97640 रुपयांवर आहे. तर दुसरीकडे, गुड रिटर्न वेबसाईटनुसार, २२ कॅरेट १० ग्राम सोन्याचा भाव 89500 रुपये आहे, तर २४ कॅरेट १० ग्राम सोन्याचा दर ९८०८० रुपये आहे.
गुड रिटर्न नुसार सोन्याचा भाव – Gold Price Today
22 कॅरेट सोन्याचा आजचा भाव (प्र. 10 ग्रॅम)-
पुणे- 89500 रुपये
मुंबई – 89500 रुपये
नागपूर – 89500 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 97640 रूपये
मुंबई – 97640 रूपये
नागपूर – 97640 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.
