Gold Price Today : सोने- चांदीच्या किमती वाढल्या; ग्राहकांच्या खिशाला झळ

हॅलो महाराष्ट्र ऑनलाईन । सोने आणि चांदीच्या किमतींमध्ये (Gold Price Today) सतत चढ-उतार पाहायला मिळत आहेत. सोन्याचे दर दररोज बदलतात आणि ते सामान्यांपासून ते गुंतवणूकदारांपर्यंत सर्वांसाठी महत्त्वाचे असतात. लग्नाचा हंगाम असो किंवा सणांचा काळ असो, सोन्याची मागणी नेहमीच असते. मागणी वाढली कि सोन्याची किंमतही आपोआप वाढते. आजही भारतीय सराफा बाजारात सोन्याच्या किमतीत वाढ पाहायला मिळत आहे. मल्टी कमोडिटी एक्सचेंज (MCX) वर २४ कॅरेट १० ग्राम सोन्याचा भाव 95536 रुपयांवर व्यवहार करत आहे. कालच्या तुलनेत या दरात 393 रुपयांची वाढ झाली आहे. तर दुसरीकडे १ किलो चांदीच्या किमतीत सुद्धा 504 रुपयांची वाढ होऊन 97979 रुपयांवर पोचली आहे.

MCX वर आज सोन्याचा व्यवहार 95287 रुपयांवर उघडला जो मागील बाजारात 95143 रुपयांवर बंद झाला होता. सुरुवातीपासूनच सोन्याच्या किमती वर जात गेल्या. ११ वाजून १४ मिनिटांनी सोन्याच्या किमतीने ९५६५६ रुपयांची उच्चांकी (Gold Price Today) पातळी गाठली. यानंतर यामध्ये हळूहळू घसरण होऊ लागली. ११ वाजून ४२ मिनिटांनी सोन्याच्या किमतीने ९५४२० रुपयांचा निच्चांक गाठल्यानंतर पुन्हा सोन्याचा भाव वाढला. सध्या १२ वाजून १० मिनिटांनी २४ कॅरेट १० ग्राम सोने ९५५७५ रुपयांवर व्यवहार करत आहे.

गुड रिटर्न नुसार सोन्याचा भाव – Gold Price Today

22 कॅरेट सोन्याचा आजचा भाव (प्र. 10 ग्रॅम)-

पुणे- 89350 रुपये
मुंबई – 89350 रुपये
नागपूर – 89350 रुपये

24 कॅरेट सोन्याचा आजचा भाव (प्र. 10 ग्रॅम)

पुणे- 97480 रूपये
मुंबई – 97480 रूपये
नागपूर – 97480 रूपये

सोन्याची शुद्धता कशी तपासाल?

साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.