Gold Price Today : सोन्याच्या किमतींनी गाठला नवा उच्चांक; चांदीचा भावही गगनाला

हॅलो महाराष्ट्र ऑनलाईन । सोने खरेदीदार ग्राहकांसाठी महत्वाची बातमी आहे. सोने- चांदीच्या किमतींनी (Gold Price Today) आज नवा उच्चांक गाठला आहे. मल्टी कमोडिटी एक्सचेंज (MCX) वर २४ कॅरेट १० ग्राम सोन्याचा भाव 73083 रुपयांवर व्यवहार करत आहे. कालच्या तुलनेत या किमतीत 0.16% म्हणजेच 120 रुपयांची वाढ पाहायला मिळाली. तर दुसरीकडे चांदीच्या दरात सुद्धा किरकोळ वाढ दिसत आहे. आज एक किलो चांदी 93754 रुपयांवर व्यवहार करत आहे. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती भारतभर बदलतात.

आज MCX वर सोन्याचा भाव ७३१२४ रुपयांपासून सुरु झाला.. मात्र थोड्याच वेळात या किमतीत वाढ पाहायला मिळाली. १० वाजून ३० मिनिटांनी सोन्याचा दराने ७३३२० रुपयांचा उच्चांक गाठला. मात्र त्यानंतर हि किंमत (Gold Price Today) कमी कमी होत गेली. सध्या २४ कॅरेट १० ग्राम सोन्याचा भाव ७२९८१ रुपयांवर व्यवहार करत आहेत. तर दुसरीकडे गुड रिटर्न वेबसाईट नुसार, २४ कॅरेट १० ग्राम सोन्याची किंमत ७३,७५० रुपये आहे. तर २२ कॅरेट १० ग्राम सोन्याचा भाव ६७६०० रुपये आहे.

गुड रिटर्न नुसार सोन्याचा भाव – Gold Price Today

22 कॅरेट सोन्याचा आजचा भाव (प्र. 10 ग्रॅम)-

पुणे- 67,600 रुपये
मुंबई – 67,600 रुपये
नागपूर – 67,600 रुपये

24 कॅरेट सोन्याचा आजचा भाव (प्र. 10 ग्रॅम)

पुणे- 73,650 रूपये
मुंबई – 73,650 रूपये
नागपूर – 73,650 रूपये

सोन्याची शुद्धता कशी तपासाल?

साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात.