हॅलो महाराष्ट्र ऑनलाईन Gold Rate Today । सोन्याच्या किमतीत आज प्रचंड वाढ झाली आहे. आज ११ डिसेंबर २०२५ रोजी भारतीय सराफा बाजारात सोन्याच्या भावाने सर्वसामान्य ग्राहक हैराण झाले आहेत. मल्टी कमोडिटी एक्सचेंज ऑफ इंडिया (MCX) वर २४ कॅरेट १० ग्राम सोन्याचा भाव 130250 वर उघडला. काल सोन्याचा व्यवहार 129796 रुपयांवर बंद झाला होता. आज बाजार सुरु होताच सोन्याच्या किमतीने उसळी घेतली. अजूनही सोन्याची घोडदौड सुरूच आहे. दुसरीकडे चांदीही तब्बल 4053 रुपयांनी महाग झाली असून या किमतीत 2.15 % वाढ पाहायला मिळतेय. सोने चांदीच्या किमती गगनाला भिडल्याने ग्राहकांच्या खिशाला कात्री लागली आहे.
भारतातील सोन्याच्या किमतींवर (Gold Rate Today) आंतरराष्ट्रीय स्पॉट सोन्याचे दर, अमेरिकन डॉलरमधील चढ-उतार आणि सोन्यावरील आयात शुल्क यांसारख्या घटकांचा मोठ्या प्रमाणावर प्रभाव पडतो. तसेच राज्य कर आणि मेकिंग शुल्कामुळे सोन्याच्या दागिन्यांच्या किमती दररोज बदलतात. MCX वर २४ कॅरेट १० ग्राम सोन्याचा भाव आज 130250 वर उघडला. सुरुवातीपासूनच सोन्याच्या किंमती वर वर जाऊ लागल्या. ११ वाजून ३९ मिनिटांनी सोन्याच्या भावाने १३०६७१ रुपयांचा उच्चांक गाठला. सध्या १ वाजून ५ मिनिटांनी २४ कॅरेट १० ग्राम सोने 130682 रुपयांवर व्यवहार करत आहे.
गुड रिटर्न नुसार सोन्याचा भाव – Gold Rate Today
22 कॅरेट सोन्याचा आजचा भाव (प्र. 10 ग्रॅम)-
पुणे- 119350 रुपये
मुंबई – 119350 रुपये
नागपूर – 119350 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 130200 रूपये
मुंबई – 130200 रूपये
नागपूर – 130200 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.
