Gold Rate Today : भारतामध्ये आज १६ डिसेंबर रोजी २४ कॅरेट, २२ कॅरेट आणि १८ कॅरेट सोन्याच्या किमती घसरल्या आहेत. सर्व शुद्धता स्तरांवर सोन्याच्या किमतीत घट झाली. मल्टी कमोडिटी एक्सचेंज ऑफ इंडिया (MCX) वर २४ कॅरेट १० ग्राम सोन्याचा भाव 133970 रुपयावर व्यवहार करत आहे. कालच्या तुलनेत या किमतीत 0.12% म्हणजेच तब्बल 160 रुपयांची किरकोट घसरण झाली आहे. तर दुसरीकडे चांदी सुद्धा 1147 रुपयांनी घसरल्याने सर्वसामान्य ग्राहकांना थोडाफार का होईना पण दिलासा मिळाला आहे. भारतातील सोन्याच्या किमतींवर (Gold Rate Today ) आंतरराष्ट्रीय स्पॉट सोन्याचे दर, अमेरिकन डॉलरमधील चढ-उतार आणि सोन्यावरील आयात शुल्क यांसारख्या घटकांचा मोठ्या प्रमाणावर प्रभाव पडतो. तसेच राज्य कर आणि मेकिंग शुल्कामुळे सोन्याच्या दागिन्यांच्या किमती दररोज बदलतात.
आज MCXवर २४ कॅरेट १० ग्राम सोन्याचा भाव 133523 वर उघडला (Gold Rate Today). मात्र बाजार सुरु होताच सोन्याच्या किमतीत घसरण सुरु झाली. ११ वाजता सोन्याचा भाव 133340 रुपये या निच्चांकी पातळीवर गेला, त्यानंतर यात थोडीफार वाढ बघायला मिळाली. सध्या १ वाजता २४ कॅरेट १० ग्राम सोन्याचा भाव 133970 रुपये इतका आहे. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती दररोज बदलतात. गेल्या २० वर्षांत, सोन्याच्या किमती १,५००% ने वाढल्या आहेत.
गुड रिटर्न नुसार सोन्याचा भाव – Gold Rate Today
22 कॅरेट सोन्याचा आजचा भाव (प्र. 10 ग्रॅम)-
पुणे- 122700 रुपये
मुंबई – 122700 रुपये
नागपूर – 122700 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 133860 रूपये
मुंबई – 133860 रूपये
नागपूर – 133860 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.
