Gold Rate Today : सोने पुन्हा महागले!! प्रतितोळा किती रुपये पहा

हॅलो महाराष्ट्र ऑनलाईन Gold Rate Today । देशात सर्वत्र लग्नसराईतची धामधूम असताना अतिशय महत्वाचा रत्न असलेल्या सोन्याची किंमत पुन्हा एकदा वाढली आहे. भारतीय सराफा बाजारात आज ९ मे २०२५ रोजी सोन्याच्या भावात चांगलीच वाढ झाल्याचं पाहायला मिळतंय. मल्टी कमोडिटी एक्सचेंज (MCX) वर २४ कॅरेट १० ग्राम सोन्याचा दर 93290 रुपयांवर व्यवहार करत आहे. कालच्या तुलनेत या किमती 0.92 % म्हणजेच तब्बल 849 रुपयांनी महाग झाल्या आहेत. तर दुसरीकडे चांदीच्या किमतीनेही नवा उच्चांक गाठलाय. MCX वर १ किलो चांदीचा भाव 382 रुपयांनी वाढून 95700 रुपयांवर पोचला आहे. आज आठवड्याच्या पहिल्याच दिवशी सोने- चांदीच्या वाढलेल्या किमतीमुळे ग्राहकांच्या खिशाला मात्र चांगलाच चाप बसला आहे.

मागच्या आठवड्यात सोन्याचा भाव 92441 रुपयांवर बंद झाला होता. मात्र आज आठवड्याच्या पहिल्याच दिवशी सोन्याच्या किमतीने उसळी घेतली. मल्टी कमोडिटी एक्सचेंज वर सोन्याचा भाव उच्चांकी दराने सुरु झाला. सकाळी ९ वाजता सोन्याचा व्यवहार 93024 रुपयांनी सुरु झाला… मात्र अवघ्या अर्ध्या तासांतच सोन्याच्या किमतीने ९२९४९ रुपयांचा निच्चांकी गाठला. त्यामुळे आज सोन्याचा भाव पुन्हा खाली जातोय कि काय असं वाटत होते. परंतु १० नंतर सोन्याच्या किमतीने उसळी घेतली. १० वाजून ३६ मिनिटांनी सोन्याचा भाव ९१३५६ रुपयांवर व्यवहार करत होता. त्यानंतर सोन्याच्या किमती वर खाली होत होत्या . MCX वर २४ कॅरेट १० ग्राम सोने सध्या ११ वाजून ४१ मिनिटांनी सोने ९३३६७ रुपयांवर व्यवहार करत आहे. (Gold Rate Today)

गुड रिटर्न नुसार सोन्याचा भाव – Gold Rate Today

22 कॅरेट सोन्याचा आजचा भाव (प्र. 10 ग्रॅम)-

पुणे- 87550 रुपये
मुंबई – 87550 रुपये
नागपूर – 87550 रुपये

24 कॅरेट सोन्याचा आजचा भाव (प्र. 10 ग्रॅम)

पुणे- 95510 रूपये
मुंबई – 95510 रूपये
नागपूर – 95510 रूपये

सोन्याची शुद्धता कशी तपासाल?

साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.