हॅलो महाराष्ट्र ऑनलाईन Gold Rate Today : मागील काही दिवसांच्या भाव वाढीनंतर आज सोन्याच्या किमती अचानकपणे घसरल्या आहेत. या घसरणीमुळे ग्राहकांना काही प्रमाणात का होईना परंतु दिलासा मिळाला आहे. मल्टी कमोडिटी एक्सचेंज ऑफ इंडिया (MCX) वर आज ९ डिसेंबर २०२५ रोजी 129520 रुपयांवर व्यवहार करत आहे. कालच्या तुलनेत या किमतीत 0.34% म्हणजेच 442 रुपयांनी कमी झाला आहे. तर दुसरीकडे चांदीच्या किमतीत सुद्धा 189 रुपयांची किरकोळ घसरण झाली असून आज एक किलो चांदी 181553 रुपयांवर व्यवहार करत आहे.
MCXवर आज २४ कॅरेट १० ग्राम सोन्याचा भाव 130045 वर उघडला (Gold Rate Today). मात्र बाजार सुरु होताच सोन्याच्या किमतीत घसरण सुरु झाली. ११ वाजून ४० मिनिटांनी सोन्याचा भाव १२९११३ रुपये होता, त्यानंतर यात थोडा फरक पडला. सध्या १२ वाजून ४० मिनिटांनी २४ कॅरेट १० ग्राम सोन्याचा भाव 129520 रुपये इतका आहे. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती दररोज बदलतात. गेल्या २० वर्षांत, सोन्याच्या किमती १,५००% ने वाढल्या आहेत.
गुड रिटर्न नुसार सोन्याचा भाव – Gold Rate Today
22 कॅरेट सोन्याचा आजचा भाव (प्र. 10 ग्रॅम)-
पुणे- 119250 रुपये
मुंबई – 119250 रुपये
नागपूर – 119250 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 130090 रूपये
मुंबई – 130090 रूपये
नागपूर – 130090 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात. जर तुम्ही सोन्याचे दागिने खरेदी करण्याचा विचार करत असाल, तर दर्जाशी कधीही तडजोड करू नका. हॉलमार्क असलेले दागिनेच खरेदी करा, कारण हॉलमार्क हीच सोन्याची सरकारी खात्री आहे. भारतात ब्युरो ऑफ इंडियन स्टँडर्ड्स (BIS) हे हॉलमार्क प्रमाणपत्र देते. प्रत्येक कॅरेटचे वेगळे हॉलमार्क चिन्ह असते, ते तपासूनच खरेदी करावी. जर तुम्ही हॉलमार्कची खात्री न करता सोने खरेदी केले, तर त्यात भेसळ होण्याची शक्यता असते. त्यामुळे नेहमी दागिने खरेदी करताना योग्य तपासणी करा आणि दर्जेदार सोनेच निवडा.
