Government Subsidy | सरकार हे शेतकऱ्यांसाठी नेहमी नवनवीन योजना आणत असतात शेतीशी निगडित व्यवसाय त्याचप्रमाणे शेतीला प्रोत्साहन देण्यासाठी आणि शेतकऱ्यांची आर्थिक मदत व्हावी या कल्पनेतून सरकारने अनेक योजना राबवलेल्या आहेत. त्यामुळे शेतकऱ्यांना अनुदानाच्या स्वरूपात आर्थिक मदत मिळते.
शेतकरी शेतीसोबत अनेक जोड व्यवसाय करत असतात. या सगळ्यात पशुसंवर्धन हा व्यवसाय प्रामुख्याने अनेक गावांमध्ये केला जातो. या व्यवसायाला शेतीच्या आणि दूध उत्पादनाच्या दृष्टीने खूप महत्त्व आहे. त्यामुळे आता कृषी संवर्धन या व्यवसायाला प्रोत्साहन देण्यासाठी राज्य सरकारच्या जिल्हा परिषद आणि राज्यस्तरीय पशुवर्धन विभागाच्या माध्यमातून योजना राबवण्यात येतात. आणि त्या माध्यमातून शेतकऱ्यांना अनुदान (Government Subsidy) देखील मिळते. या योजनेच्या माध्यमातून सुशिक्षित तरुण आणि शेतकऱ्यांना स्वतःचा व्यवसाय सुरू करण्यासाठी खूप मदत होते. या योजनेअंतर्गत अनुसूचित जाती, जमाती प्रवर्गाला 75 टक्के आणि सर्वसाधारण प्रवर्गांना 50% इतके अनुदान दिले जाते.
दुधाळ जनावरांवर मिळणार अनुदान | Government Subsidy
राज्य सरकाराने जिल्हा परिषदेचे पशुसंवर्धन विभागाच्या माध्यमातून या योजनेअंतर्गत अनुदानावर दुधाळ जनावरांना वाटप करण्यात येते. आणि या माध्यमातून अनुसूचित जाती जमाती प्रवर्गाला 75 टक्के व सर्वसाधारण गटाला 50 टक्के अनुदानाचा लाभ मिळतो.
या योजनेअंतर्गत लाभार्थ्यांना दोन दुधाळ जनावरांचा एक गट वाटप करण्यात येतो. गाईच्या गटासाठी 75 टक्के म्हणजे 1 लाख 67 हजार 668 रुपये अनुदान दिले जाते. तर म्हशीच्या एका गटासाठी 1 लाख 34 हजार 443 रुपये एवढे अनुदान दिले जाते.
योजनेचा लाभ घेण्यासाठी पात्रता | Government Subsidy
- या योजनेचा लाभ घेण्यासाठी लाभार्थी अनुसूचित जाती किंवा जमातीतील असणे गरजेचे आहे.
- लाभार्थी हा दारिद्र रेषेखाली असेल तर त्याला प्राधान्य दिले जाते.
- अल्पभूधारक शेतकरी सुशिक्षित बेरोजगार तरुणांना देखील या योजनेचा लाभ होतो.
ऑनलाइन अर्ज कसा करायचा ?
या योजनेचा तुम्हाला लाभ घ्यायचा असेल, तर तुम्हाला ऑनलाईन पद्धतीने अर्ज करावा लागेल. यासाठी तुम्हाला महाबीएमएस या संकेतस्थळावर जाऊन ऑनलाईन पद्धतीने अर्ज करावा लागेल. त्यानंतर पात्र उमेदवारांना दुधाळ जनावरांचा गट वाटप करण्यात येईल.