औरंगाबाद : शहरातील क्रांती चौकात एका शासकीय धान्य वाहतूक करणारा ट्रक व दुचाकीचा दुपारी 3:30 वाजेच्या सुमारास अपघात झाला आहे. या अपघातात दुचाकीस्वार गंभीर जखमी झाला असून त्याला घाटी रुगणालयात दाखल केले आहे.
हाती आलेल्या माहितीनुसार, (एमएच 20 सीडब्लू 5277) या दुचाकीवर दुचाकीस्वार व्यक्ती दुधडेरी सिंगल पासून बाबा बस्थानकाकडे जात होता. त्यावेळी शासकीय धान्य वाहतूक करणारा ट्रक (एमएच 18 बीजी 4076) हा दुचाकीस्वरास धडकला आणि हा अपघात झाला असे प्रत्यक्षदर्शियनांचे म्हणणे आहे.
दरम्यान, दुचाकीस्वाराची ओळख अद्यापही पटलेली नाही. साधारणतः 40 ते 45 वयोगटतील हा व्यक्ती असल्याचे समोर येत आहे. ट्रक चालकाला उस्मानपुरा पोलिसांनी ताब्यात घेतले आहे. पुढील कारवाई सुरु आहे.