नवी दिल्ली । GST कलेक्शनच्या बाबतीत केंद्र सरकारने दुसऱ्यांदा मोठी कामगिरी केली आहे. ऑक्टोबर 2021 मध्ये एकूण GST कलेक्शन 1,30,127 कोटी रुपये होते. यापूर्वी एप्रिल 2021 मध्ये GST कलेक्शन 1.3 लाख कोटी रुपयांच्या पुढे गेले होते. ऑक्टोबरच्या ग्रॉस GST कलेक्शनमध्ये CGST 23,861 कोटी रुपये, SGST 30,421 कोटी रुपये, IGST रुपये 67,361 कोटी आणि सेस 8,484 कोटी रुपये आहे. सेसमध्ये 699 कोटी रुपयांचे योगदान आयात केलेल्या वस्तूंवर लागू होणाऱ्या सरचार्जने केले आहे.
अर्थव्यवस्था रुळावर येण्याची चिन्हे आहेत
केंद्राने म्हटले आहे की, ऑक्टोबरमधील GST कलेक्शन आर्थिक रिकव्हरीशी सुसंगत आहे. दर महिन्याला तयार होणाऱ्या ई-वे बिलांद्वारेही (e-Way Bills) देशाच्या अर्थव्यवस्थेतील रिकव्हरीची पुष्टी होते. सेमी कंडक्टर्सच्या पुरवठ्यातील अडचणींमुळे कार आणि इतर उत्पादनांच्या विक्रीत घट झाली नसती, तर GST कलेक्शनचा आकडा जास्त वाढला असता, असेही ते म्हणाले.
आयात उत्पन्नात 39% वाढ
सरकारने IGST मध्ये रेग्‍युलर सेटलमेंट म्हणून CGST चे 27,310 कोटी रुपये आणि SGST चे 22,394 कोटी रुपये सेटल केले आहेत. ऑक्टोबरमध्ये वस्तूंच्या आयातीतून मिळणारे उत्पन्न वार्षिक आधारावर 39 टक्क्यांनी जास्त होते. त्याचप्रमाणे, देशांतर्गत व्यवहारातून मिळणाऱ्या उत्पन्नात वर्ष-दर-वर्ष आधारावर 19 टक्क्यांनी वाढ झाली आहे.
PMI सलग चौथ्या महिन्यात वाढला
आकडेवारीनुसार, भारतातील Manufacturing क्रियाकार्यक्रमांमध्ये सातत्याने सुधारणा होत आहे जी रिकव्हरीच्या मार्गावर आहे. मागणीत झालेली वाढ आणि कोविड महामारीच्या परिस्थितीत सुधारणा झाल्यामुळे अर्थव्यवस्था सुधारत आहे. ऑक्टोबरमध्ये देशातील Manufacturing PMI 55.9 होता. त्याच वेळी, सप्टेंबरमध्ये ते 53.7 आणि ऑगस्टमध्ये 52.3 होते. 50 पेक्षा जास्त PMI म्हणजे अर्थव्यवस्था विस्तारत आहे. फेब्रुवारीनंतरचा हा सलग चौथा महिना असून या आकडेवारीत वाढ होताना दिसत आहे.