नवी दिल्ली । यावर्षी डिसेंबर 2020 मधील जीएसटी कलेक्शन (GST Collection) आतापर्यंतचे सर्वाधिक आहे. शुक्रवारी ही माहिती देताना अर्थ मंत्रालयाने (Ministry of Finance) सांगितले की, डिसेंबर 2020 मध्ये जीएसटी कलेक्शन 1,15,174 कोटी रुपये होते. जीएसटी कायद्याच्या (GST Act) अंमलबजावणीनंतर कोणत्याही महिन्यातील हा सर्वात मोठा जीएसटी कलेक्शन (Highest GST Collection) आहे. मागील वर्षीच्या डिसेंबर महिन्याच्या तुलनेत हे प्रमाण 12 टक्क्यांनी अधिक आहे. मंत्रालयाने सांगितले की, गेल्या काही महिन्यांपासून जीएसटी संकलनातील आकडेवारीत सातत्याने मोठी वसुली दिसून येत आहे. चालू आर्थिक वर्षात हा सलग तिसरा महिना आहे, जेव्हा जीएसटी कलेक्शन 1 लाख कोटींच्या पुढे गेले आहे. मागील महिन्यात म्हणजेच नोव्हेंबर 2020 मध्ये एकूण जीएसटी कलेक्शन 1,04,963 कोटी रुपये होते.
मंत्रालयाने आपल्या निवेदनात म्हटले आहे की, ‘जीएसटी लागू झाल्यानंतर डिसेंबर 2020 मधील जीएसटी कलेक्शन सर्वात जास्त आहे. जीएसटी संकलनात प्रथमच 1.15 लाख कोटींचा टप्पा पार झाला आहे. एप्रिल 2019 मध्ये आतापर्यंतचे सर्वाधिक जीएसटी कलेक्शन 1,13,866 कोटी रुपये होते. एप्रिल महिन्यात जीएसटीचा महसूल साधारणपणे जास्त असतो. मार्च हा आर्थिक वर्षाचा शेवटचा महिना आहे, त्यामुळे एप्रिलमध्ये जीएसटीचा महसूल जास्त आहे.
जीएसटी संकलनात या विक्रमी वाढीमागील कारण असल्याचे सांगत मंत्रालयाने म्हटले आहे की, महामारीनंतरची आर्थिक रिकव्हरी (Economic Recovery) आणि राष्ट्रीय पातळीवर जीएसटी चाचेगिरीविरूद्ध मोहीम यामुळे हे शक्य झाले आहे. नुकतीच जीएसटी चोरी आणि बनावट बिलांचा वापर रोखण्यासाठी अनेक बदल करण्यात आले, त्यानंतर जीएसटी अनुपालन (GST Compliance) सुधारले आहे.
मंत्रालयाने म्हटले आहे की, 1,15,174 कोटी रुपयांच्या जीएसटीपैकी 21,365 कोटी रुपये सीजीएसटी आहेत, 27,804 कोटी रुपये SGST आहेत, 57,426 कोटी रुपये IGST आहेत. IGST मधील 27,050 कोटी वस्तूंच्या आयातीवरून प्राप्त झाले आहेत. 8,579 कोटी रुपये सेस स्वरुपात आले आहेत, त्यापैकी 971 कोटी रुपये मालाच्या आयातातून आले आहेत. नोव्हेंबर ते 31 डिसेंबर 2020 या कालावधीत एकूण 87 लाख GSTR-3B रिटर्न्स दाखल झाले आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.