मुंबई । एचडीएफसी बँकेने मंगळवारी सांगितले की, शुक्रवार 18 जून रोजी त्यांच्या संचालक मंडळाची बैठक होणार आहे. या बैठकीत ते 31 मार्च 2021 रोजी संपणार्‍या आर्थिक वर्षासाठी बँक लाभांश जाहीर करू शकते. एचडीएफसी बँकेने सांगितले की, 22 एप्रिल 2021 रोजी रिझर्व्ह बँकेने बँकांच्या लाभांशाच्या वितरणासंदर्भात अधिसूचना जारी केली, हे लक्षात ठेवून लाभांश जाहीर केला जाईल.
RBI अधिसूचना काय होती?
RBI ने यावर्षी 22 एप्रिल रोजी बॅंकांना अधिसूचना जारी केली होती, “बँकांनी आर्थिक वर्ष 2021 साठी लाभांश देय रक्कम 50 टक्के मर्यादित करावी आणि कोरोनाव्हायरस संसर्गाच्या या काळात काम करण्यासाठी भांडवलाची बचत करावी.” तथापि, सहकारी बँकांना इक्विटी शेअर्स वरील नफ्यामधून लाभांश देण्यास सूट देण्यात आली आहे.
आर्थिक वर्ष 2020 मध्ये RBI ने बँकांना लाभांश वाटप करण्यास परवानगी दिलेली नाही. गेल्या वर्षी एप्रिलमध्ये लॉकडाउन सुरू झाल्यानंतर RBI ने हा निर्णय घेतला.
एचडीएफसी बँकेने म्हटले आहे की, 15 जून 2021 ते 20 जून 2021 पर्यंत नियुक्त कर्मचारी आणि संचालकांच्या शेअर्सचे ट्रेडिंग बंद केले जातील जेणेकरून कोणताही इनसायडर ट्रेडिंग होऊ नये.
एचडीएफसी बँकेचे शेअर्स दुपारी 12.13 वाजता 0.75 टक्क्यांनी वधारून 1490.55 रुपयांवर ट्रेड करीत आहेत.
लाभांश म्हणजे काय… ही रक्कम खात्यात कधी येते?
काही कंपन्या त्यांच्या नफ्यातील काही भाग वेळोवेळी त्यांच्या भागधारकांना देत असतात. ते नफ्याचा हा भाग भागधारकांना लाभांश म्हणून देतात.
Record Date – लाभांश जाहीर झाल्यानंतर Record Date ही जाहीर केली जाते. ही ती तारीख आहे ज्याला कंपनी आपल्या रेकॉर्ड बुकमध्ये हे पाहते, सध्या कंपनीच्या शेअर्सच्या कोणत्या गुंतवणूकदारांचे शेअर्स आहेत. म्हणजेच लाभांशाची रक्कम रेकॉर्ड तारखेपर्यंत शेअर्स असलेल्या लोकांच्या खात्यावर ट्रान्सफर केली जाते.
किती लाभांश मिळेल याचा निर्णय कोण घेतो?
किती लाभांश द्यावा लागेल हे कंपनीच्या वार्षिक बैठकीत निश्चित केले जाते. याला अंतिम लाभांश म्हणतात. जर कंपनी आर्थिक वर्षाच्या मध्यावर लाभांश देत असेल तर त्याला इंटरिम डिविडेंड किंवा अंतरिम लाभांश असे म्हणतात. जेव्हा आर्थिक वर्षाच्या पहिल्या सहामाहीत कंपनी नफा कमावते तेव्हा अंतरिम लाभांश दिला जातो.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा