मुंबई । रिझर्व्ह बँक ऑफ इंडियाने (RBI) देशातील सर्वात मोठी खासगी बँक एचडीएफसी बँकेला (HDFC Bank) 10 कोटी रुपयांचा आर्थिक दंड ठोठावला आहे. बँकिंग नियमन कायद्याच्या कलम 6 (2) आणि कलम 8 मधील तरतुदींचे उल्लंघन केल्यामुळे हा दंड आकारण्यात आला आहे. नियामक अनुपालनातील अनियमिततेमुळे ही कारवाई करण्यात आल्याचे केंद्रीय बँकेचे म्हणणे आहे.
वास्तविक, व्हिसलब्लोअरच्या तक्रारीचा तपास केल्यानंतर हा दंड लावण्यात आला आहे. तक्रारीत बँकेच्या ऑटो लोनच्या पोर्टफोलिओमध्ये अनियमिततेचा आरोप आहे. हा दंड आकारण्याचा आदेश 27 मे रोजी देण्यात आला आहे.
Reserve Bank of India imposes a penalty of Rs 10 crores on HDFC Bank Limited for contravention of provisions of section 6(2) and section 8 of the Banking Regulation Act, 1949 (the Act). This action is based on deficiencies in regulatory compliance. pic.twitter.com/xJv5imltWM
— ANI (@ANI) May 28, 2021
RBI ने नुकतेच आयसीआयसीआय बँकेला ठोठावला तीन कोटींचा दंड
त्याच वेळी RBI ने आयसीआयसीआय बँकेलाही तीन कोटी रुपयांचा दंड ठोठावला. रिझर्व्ह बँकेने दिलेल्या निवेदनात म्हटले आहे की, मास्टर सर्कुलेशन-प्रूडेंशियल नॉर्म फॉर क्लासिफिकेशन व्हॅल्यूएशन अँड ऑपरेशन ऑफ इन्वेस्टमेंट पोर्टफोलिओ ऑपरेशनसाठी जारी केलेल्या अनिवार्य मार्गदर्शक सूचनांचे उल्लंघन केल्याबद्दल 1 जुलै 2015 रोजी हा दंड आकारण्यात आला. नियामक अनुपालनातील अनियमिततेमुळे ही कारवाई करण्यात आल्याचे केंद्रीय बँकेने म्हटले होते.
रिझर्व्ह बँकेने महाराष्ट्र सहकारी बँकेला दंड ठोठावला आहे
रिझर्व्ह बँकेने नियमांचे उल्लंघन केल्याबद्दल महाराष्ट्रातील सहकारी बँकेवर दंडात्मक कारवाई केली. RBI ने म्हटले आहे की, सुपरव्हायजरी एक्‍शन फ्रेमवर्क (SAF) अंतर्गत दिलेल्या काही सूचना न पाळल्याबद्दल प्रियदर्शिनी महिला नागरी सहकारी बँकेला (Priyadarshini Mahila Nagari Sahakari Bank) 1 लाख रुपये दंड ठोठावण्यात आला आहे. केंद्रीय बँकेने असे म्हटले होते की, बँकिंग नियमन कायदा 1949 अन्वये कलम-47 ए(1) वर कलम 46 (4) (आय) वाचण्यासाठी RBI ला देण्यात आलेल्या अधिकारांनुसार दंड ठोठावण्यात आला आहे.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा