औरंगाबाद : सिल्लोड तालुक्यात आज रविवारी अनेक ठिकाणी वादळी वाऱ्यांसह जोरदार गारपीट गारपीट झाली. ऐन उन्हाळ्यात पिकांची काढणी सुरू असताना वादळी वाऱ्यांसह गारपीट झाल्यामुळे काढणीला आलेल्या आणि काढणी झालेल्या पिकांचे मोठे नुकसान झाले.
सिल्लोड तालुक्यात अनेक ठिकाणी शनिवारी सायंकाळी आणि रात्री व आज रविवारीही गारपीट झाली. शेतात आणि रस्त्यांवरही गारांचा खच पडला होता. हवामान विभागाने गारांसह पाऊस पडण्याचा अंदाज वर्तविला होता, तो खरा ठरला. आधीच करोनामुळे त्रस्त झालेल्या शेतकऱ्यांना या दुसऱ्या संकटाचा सामना करावा लागत आहे.
औरंगाबाद जिल्ह्यासह राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा