नवी दिल्ली । सार्वजनिक क्षेत्रातील कंपनी हिंदुस्तान कॉपर आपल्या खाणींमधून उत्पादन वाढवण्यासाठी आवश्यक पावले उचलत आहे. याशिवाय, विस्तार प्रकल्पाद्वारे कंपनी आपली खाण क्षमताही वाढवत आहे.
कंपनीने 2010-11 मध्ये आपली खाण उत्पादन क्षमता वार्षिक 34 लाख टन वरून 1.22 कोटी टन प्रतिवर्ष करण्याचे लक्ष्य ठेवले होते. नंतर हे लक्ष्य 20.2 कोटी टनांपर्यंत वाढवण्यात आले. आयातीवरील अवलंबन कमी करण्यासाठी आणि तांबे धातूचे देशांतर्गत उत्पादन वाढवण्यासाठी कंपनीने हे लक्ष्य वाढवले आहे.
पहिल्या टप्प्यात 1.22 कोटी टन क्षमता साध्य करण्याचे लक्ष्य
हिंदुस्तान कॉपरने आपल्या 2020-21 च्या वार्षिक अहवालात म्हटले आहे, “विस्तार योजनेची अंमलबजावणी टप्प्याटप्प्याने केली जाईल. पहिल्या टप्प्यात 1.22 कोटी टनांची क्षमता साध्य करण्याचे लक्ष्य आहे. दुसऱ्या टप्प्यात ते 20.2 कोटी टनांपर्यंत वाढवले जाईल.”
या अहवालात म्हटले आहे की,”कंपनी खाणींमधून उत्पादन वाढवण्यासाठी आवश्यक ती कारवाई करत आहे. याशिवाय, कंपनी सध्याच्या खाण विस्तार प्रकल्पांद्वारे खाण क्षमता वाढविण्याच्या प्रक्रियेत आहे.”
या अहवालात असेही म्हटले आहे की,” अध्यक्ष आणि व्यवस्थापकीय संचालक अरुण कुमार शुक्ला यांच्या नेतृत्वाखाली गुरुवारी हिंदुस्थान कॉपरचे 10 टक्के भाग विकण्याची प्रक्रिया चांगली सुरू झाली. संस्थात्मक गुंतवणूकदारांनी 700 कोटी रुपयांहून अधिक किमतीच्या शेअर्ससाठी बोली लावली आहे.”
NSE च्या आकडेवारीनुसार, 4.35 कोटी शेअर्सच्या ऑफरवर संस्थात्मक गुंतवणूकदारांनी 6.14 कोटी शेअर्ससाठी बोली लावली आहे. गेल्या आर्थिक वर्ष 2020-21 मध्ये कंपनीची उलाढाल 119 टक्क्यांनी वाढून 1,760.84 कोटी रुपये झाली. मागील आर्थिक वर्षात ते 803.17 कोटी रुपये होते.