भीषण अपघात : कृष्णा नाक्यावर ट्रकच्या चाकात दुचाकी अडकली

कराड प्रतिनिधी| सकलेन मुलाणी
कराड शहरातील कृष्णा नाका येथे ट्रकने दुचाकीला भीषण धडक दिली. यामध्ये ट्रकच्या चाकाखाली दुचाकी अडकली असून घटनास्थळावरून ट्रक चालक फरार झाला आहे. दुचाकीवरील महिला व पुरूष दोघेही गंभीर जखमी झाले आहेत.

घटनास्थळावरून मिळालेली माहिती अशी, कराड- विटा मार्गावर शहरात ट्रक (एच- 10- सीआर. 9050) व दुचाकी (एमएच – 11- बीआर- 6065) यांचा अपघात झाला. यावेळी पाठीमागून आलेल्या ट्रकने दुचाकीला धडक दिली. यावेळी दुचाकी गाडीवर पाठीमागे बसलेल्या महिलेच्या पायाला गंभीर दुखापत झाली. या अपघातानंतर घटनास्थळी बघ्यांची गर्दी झाली होती.

https://twitter.com/VishalVamanPat1/status/1623621122335084545?s=20&t=0T93M3HSJ3ucDnrcYirUDQ

या अपघातानंतर जवळपास अर्धा तासाहून अधिक वेळ पोलिस न आल्याने लोकांच्यातून संताप व्यक्त केला. ट्रकचालक रस्त्यातच ट्रक सोडून गेल्याने शहरातील ट्रॅफिकही जाम झाले होते. दुचाकीवरील जखमी दोघांनाही कराड शहरातील रूग्णालयात उपचारासाठी तात्काळ हटविण्यात आले आहे.