मँचेस्टर | मागील काही दिवसापासून सुरु असणाऱ्या पाऊसाने काल विसावा घेतल्याने आज भारत पाकिस्तान सामना सुरु झाला आहे. पाकिस्तानचा कर्णधार सरफराज अहमद याने टॉस जिंकून प्रथम गोलंदाजी करण्याचा निर्णय घेतला आहे. भारत पाकिस्तान सामन्याची मोठी उत्कटता आज क्रिकेट रसिकांना पाहण्यास मिळणार असून भारतात संवेदनशील भागात पोलीस बंदोबस्त तैनात करण्यात आला आहे.
दरम्यान, पाकिस्तानच्या गोलंदाजीचा सामना करण्याचं मोठं आव्हान भारतीय संघासमोर असणार आहे. भारताचे गोलंदाज सध्या चांगल्या फॉर्मात आहेत. पाकिस्तानी फलंदाज हे बेभरवशाचे असले तरीही त्यांना हलकं लेखण्याची चूक करणं महागात पडू शकतं….त्यामुळे गोलंदाजांनाही आजच्या सामन्यात अधिक मेहनत घ्यावी लागेल.
दुसरीकडे पाकिस्तानी संघाची या स्पर्धेतली सुरुवात फारशी चांगली झाली नाही. सलामीच्या फळीतले फखार झमान, बाबर आझम, इमाम उल-हक हे फलंदाज चांगल्या लयीत आहेत. मात्र त्यांच्याकडून मोठ्या खेळीची पाकिस्तानला अपेक्षा आहे. मधल्या फळीतल्या फलंदाजांनी अधिक जबाबदारीने खेळण्याची अपेक्षा पाकिस्तानचे चाहते करत असतील. गोलंदाजीत मोहम्मद आमिर, वहाब रियाझ हे टिच्चून मारा करतायत, मात्र आजच्या सामन्यात भारतीय फलंदाजांसमोर त्यांचाही कस लागणार आहे.