मुंबई । खासगी क्षेत्रातील आयसीआयसीआय बँकेने शनिवारी चालू आर्थिक वर्षाच्या पहिल्या तिमाहीचा निकाल जाहीर केला. चालू आर्थिक वर्षाच्या जूनमध्ये संपलेल्या पहिल्या तिमाहीत बँकेचा एकत्रित निव्वळ नफा 52 टक्क्यांनी वाढून 4,747.42 कोटी रुपयांवर पोहोचला आहे.
दुसर्‍या क्रमांकाच्या खाजगी क्षेत्रातील या बँकेला पहिल्या तिमाहीत 4,616.02 कोटी रुपयांचा नफा झाला आहे. मागील आर्थिक वर्षातील याच तिमाहीच्या तुलनेत तो 77 टक्क्यांनी वाढला आहे.
उत्पन्न घटून 24,379 कोटींवर आले
शेअर बाजारांना पाठविलेल्या रिपोर्टमध्ये बँकेने म्हटले आहे की,” तिमाहीत त्याचे एकूण उत्पन्न घटून 24,379 कोटी रुपये झाले आहे तर मागील आर्थिक वर्षातील याच तिमाहीत 26,067 कोटी रुपये होते.” या तिमाहीत बँकेची एकूण तरतूद 2,852 कोटी रुपये होती, जी मागील वर्षातील याच कालावधीत 7,594 कोटी रुपये होती.
निव्वळ व्याज उत्पन्न 10,936 कोटी रुपये झाले
एप्रिल ते जून 2021 या कालावधीत कंपनीचे निव्वळ व्याज उत्पन्न वार्षिक आधारावर 18 टक्क्यांनी वाढून 10,936 कोटी रुपये झाले. 2020-21 आर्थिक वर्षाच्या पहिल्या तिमाहीत ती 9,280 कोटी रुपये होती.