मुंबई । आपल्या कसदार अभिनय कौशल्याने प्रेक्षकांच्या मनावर छाप सोडणारा अभिनेता इरफान खानचे बुधवारी निधन झाले. मंगळवारी कोलन इन्फेक्शनमुळे त्यांना इस्पितळात भरती करण्यात आलं होतं. यादरम्यान त्यांच्या आरोग्याविषयीच्या अनेक अफवा पसरत होत्या. मात्र इरफान यांच्या टीमने ते लढवय्ये असून लवकर बरे होतील अशी आशा व्यक्त केली होती. मात्र रुपेरी पडद्यावरून प्रेक्षकांच्या मनात घर करणाऱ्या या कलाकारानं आज जगातून कायमची एक्झिट घेतली. अंग्रेजी मीडियम हा सिनेमा त्याचा शेवटचा सिनेमा ठरला. कॅन्सर सारख्या आजारावर मात करुन इरफान खानने अंग्रेजी मीडियम या सिनेमाचं शुटींग पूर्ण केलं होतं. काही दिवसांपूर्वीच हा सिनेमा हॉटस्टार या ओटीटी प्लॅटफॉर्मवर आला होता.
आईविना मुलीचा सांभाळ करणाऱ्या एका मध्यमवर्गीय बापाची भूमिका इरफानने या सिनेमात केली आहे. अंग्रेजी मीडियम या सिनेमात चंपक नावाची भूमिका साकारणाऱ्या इरफानने या सिनेमातील चंपकचा एक भावुक पण मजेशीर एक डायलॉग ट्विट करत आपल्या सर्व चाहत्यांना हा सिनेमा पाहण्याची विनंती केली होती. या चंपकचा हाच डायलॉग आज इरफानच्या जाण्याने मनाला चटका लावून जात आहे.
इरफानने केलेले शेवटचे हेच ते शेवटचे ट्विट..
Mr. Champak’s state of mind: Love from the inside, making sure to show it outside! ???? #AngreziMedium now streaming on @DisneyplusHSVIP: https://t.co/z23Vlobb77#KareenaKapoorKhan @radhikamadan01 #DeepakDobriyal #DineshVijan #HomiAdajania #DimpleKapadia @RanvirShorey pic.twitter.com/SiWA2TK1OJ
— Irrfan (@irrfank) April 12, 2020
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”