मुंबई | जान्हवी कपूरचा पहिलावहिला चित्रपट ‘धडक’ चांगलाच गाजला. या सिनेमातील जान्हवीच्या अभिनयाचं कौतुक अनेकांनी केले. धडक पासून जान्हवी रसिकांची लाडकी अभिनेत्री बनली आहे. इशान आणि जान्हवीची जोडी रसिकांना भावली आहे.
‘धडक’ सिनेमानंतर इशानने त्याच्या इन्स्टाग्राम अकाउंटवर हा फोटो शेअर केला आहे. या फोटोत जान्हवीच्या सेक्सी अदा पाहायला मिळत आहेत. तर रोमँटिक अंदाजात इशान तिच्या मांडीवर झोपल्याचेही या फोटोत दिसत आहे. जान्हवीने काळ्या रंगाचा टॉप आणि त्यावर डेनिम जॅकेट परिधान केले आहे. तर इशानने डेनिम शर्ट परिधान केले असून तो तिच्या मांडीवर झोपल्याचे दिसतंय. दोघांचा हा सेक्सी आणि तितकाच रोमँटिक फोटो सोशल मीडियावर व्हायरल होत आहे.
बॉलिवूड अभिनेत्री आणि जान्हवीची आई श्रीदेवी यांना जान्हवीच्या धडक सिनेमाबाबत खूपच उत्सुक होती. त्यासाठी जान्हवीकडून तयारी सुद्धा करून घेत होत्या, खरं तर जान्हवीने सिनेसृष्टीत करियर बनवू नये असं श्रीदेवींचं सुरुवातीला मत होतं. परंतु जान्हवीने बॉलिवूड हे ऑप्शन निवडलं तेव्हा श्रीदेवींनी तिच्या निर्णयाचं स्वागत केलं आणि त्यासाठी ब्युटी टिप्सपासून अभिनयातील नजाकतींची सुद्धा तयारी तिच्याकडून करून घेतली.
धडकच्या शूटिंगच्या सुरुवातीला अनेकदा श्रीदेवी तिच्या सोबत शूटवर जायच्या आणि घरच्या फावल्या वेळात तिच्याकडून अभिनयाचे धडे गिरवून घ्यायच्या. जान्हवीचं बॉलिवूडमधील पदार्पण आणि धडकचं बॉक्स ऑफिसवरील यश पाहण्यासाठी त्या खूप उत्सुक होत्या. परंतु नियतीच्या मनात वेगळंच होतं.
