हॅलो महाराष्ट्र ऑनलाईन । सांगली लोकसभेच्या (Sangli Lok Sabha 2024) जागेवरून काँग्रेसचे आमदार विश्वजित कदम (Vishwajit Kadam) आणि नवनिवार्चित खासदार विशाल पाटील (Vishal Patil) यांनी नाव न घेता राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंत पाटील यांच्यावर निशाणा साधला. सांगली लोकसभेमध्ये बाहेरून खडे टाकणाऱ्यांना लोकसभेत त्यांना त्यांची जागा दाखवली, अजून बरंच काही बोलायचं बाकी आहे. ते देखील लवकरच बोलणार आहे. तसेच असं म्हणत विश्वजित कदम यांनी जयंत पाटलांना एकप्रकारे इशारा दिला होता. यानंतर आता जयंत पाटील यांच्या एका कट्टर समर्थकाने रिल्सच्या माध्यमातुन विश्वजित कदम आणि विशाल पाटील या दोघांवर पलटवार केला आहे.
काय आहे रिल्स मध्ये –
जयंत पाटील (Jayant Patil) गोड बोलतात, पण जयंत पाटलांचा विरोध तुम्ही बघितलेला नाही, मला त्या टोकाला जायला लावू नका, आहे ते सगळं गमवाल, एवढंच सांगतो, असं वक्तव्य जयंत पाटील यांनी एका भाषणात केलं होतं. याच भाषणाचा आधार घेत जयंत पाटील यांच्या कार्यकर्त्यांनी एक रील बनवून ते सोशल मीडियावर व्हायरल केलं आहे. एकप्रकारे विशाल पाटील आणि विश्वजित कदम याना हा इशारा देण्यात आला आहे. त्यामुळे येत्या काळात सांगलीच्या राजकारणात अनेक वेगवेगळ्या घडामोडी पाहायला मिळू शकतात.
नाव लक्षात राहू द्या जयंत पाटील 🔥🤟 pic.twitter.com/tSm1SshtY1
— Shubham Jatal (@ShubhamJatalNcp) June 16, 2024
विशाल पाटील- विश्वजीत कदम काय म्हणाले होते?
आ. पाटील यांच्या इस्लामपूर- वाळवा मतदार संघातल्या कसबे डिग्रज येथे आयोजित सत्कार समारंभात बोलताना विश्वजित कदम म्हणाले होते, सांगली लोकसभा निवडणुकीत बाहेरून खडे टाकणाऱ्यांना लोकसभेत त्यांची जागा दाखवली. अजून बरंच काही बोलायचं बाकी आहे. ते देखील लवकरच बोलणार असल्याचं विश्वजीत कदम यांनी सांगितलं होतं. यापुढे इस्लामपूर-वाळवा मतदारसंघावर देखील आपले दसपटीने लक्ष राहील आणि या मतदारसंघात आता नवीन निर्णय घ्यावे लागतील असं म्हणत विश्वजित कदम यांनी जयंत पाटलांना इशारा दिला तर दुसरीकडे तसेच ज्यांनी करेक्ट कार्यक्रम करायचा प्रयत्न केला, त्यांचाच करेक्ट कार्यक्रम केल्याचं विशाल पाटील यांनी म्हंटल होते.